ഏഷ്യൻ ഗെയിംസ്; കബഡിയിൽ ഇന്ത്യയ്ക്ക് വിജയത്തുടക്കം

ജക്കാർത്ത: ഇന്തോനേഷ്യയില്‍ ഏഷ്യന്‍ ഗെയിംസ് കബഡിയില്‍ വിജയത്തുടക്കവുമായി ഇന്ത്യ. രാവിലെ ഇറങ്ങിയ ഇന്ത്യയുടെ വനിതപ്പട ജപ്പാനെ നിഷ്പ്രഭരാക്കിയപ്പോൾ ഇന്ത്യന്‍ പുരുഷ ടീം ബംഗ്ലാദേശിനെയാണ് തകർത്തെറിഞ്ഞത്. ലോകചാമ്പ്യന്മാരായ ഇന്ത്യയ്ക്ക് മുന്നിൽ പിടിച്ച്‌ നില്‍ക്കാന്‍ താരതമ്യേന ദുർബലരായ ബംഗ്ലാദേശ് സംഘത്തിനായില്ല. 1990 മുതലുള്ള എല്ലാ ഏഷ്യന്‍ ഗെയിംസിലും ഇന്ത്യൻ ടീമാണ് കബഡിയില്‍ സ്വര്‍ണം സ്വന്തമാക്കുന്നത്. ഇക്കാലയളവിൽ ഇന്ത്യയ്ക്ക് ഒരു വെല്ലുവിളി ഉയർത്താൻ പോലും മറ്റ് രാജ്യങ്ങൾക്കായിട്ടില്ല.

Also Read: പാഠ പുസ്തകത്തില്‍ മില്‍ഖ സിംഗിനു പകരം ഫര്‍ഹാന്‍ അക്തറിന്റെ ഫോട്ടോ