ഉദ്യോഗാർഥികളുടെ ശ്രദ്ധയ്ക്ക് : പിഎസ്‌സി പരീക്ഷകൾ മാറ്റി

തിരുവനന്തപുരം : ഉദ്യോഗാർഥികളുടെ ശ്രദ്ധയ്ക്ക് കനത്ത മഴയും പ്രളയക്കെടുതിയും രൂക്ഷമായതിനാൽ വെള്ളി, ശനി ദിവസങ്ങളിലെ പരീക്ഷകൾ മാറ്റിവെച്ചു. പിഎസ്‌സി.ഡിപ്പാർട്ട്മെന്‍റൽ പരീക്ഷകൾ, അഭിമുഖ പരീക്ഷകൾ, സർട്ടിഫിക്കറ്റ് പരിശോധന ഉൾപ്പടെയാണ് മാറ്റിവെച്ചത്. പുതുക്കിയ തീയതി പിന്നീട് അറിയിക്കും.

Also read : കേരളത്തിലെ അതീവഗുരുതരമായ സ്ഥിതി നേരിൽ കണ്ട് മനസിലാക്കാന്‍ പ്രധാനമന്ത്രിയെത്തണമെന്ന് ചെന്നിത്തല

കണ്ണൂർ യൂണിവേഴ്സിറ്റി 21വരെ നടത്താനിരുന്ന എല്ലാ പരീക്ഷകളും, കോഴിക്കോട് ഓഗസ്റ്റ് 31 വരെ നടത്താനിരുന്ന എല്ലാ പരീക്ഷകളും മാറ്റിവച്ചു. കൂടാതെ  കോഴിക്കോട് സർവകലാശാല അടച്ചു. ഓഗസ്റ്റ് 29-ന് തുറക്കും. ആരോഗ്യ സര്‍വ്വകലാശാല നാളെ നടത്താനിരുന്ന എല്ലാ പരീക്ഷകളും മാറ്റിവെച്ചു. എംജി സര്‍വ്വകലാശാല ഈ ആഴ്ച്ച നടത്താനിരുന്ന എല്ലാപരീക്ഷകളും മാറ്റി. വിവിധ കോഴ്സുകളിലേക്ക് കാർഷിക സർവകലാശാല നടത്താനിരുന്ന പ്രവേശന നടപടികൾ മാറ്റിവെച്ചു.