മുംബൈ : മഴക്കെടുതിയിൽ ദുരിതം അനുഭവിക്കുന്നവർക്ക് പിന്തുണയുമായി ക്രിക്കറ്റ് താരം സച്ചിൻ തെണ്ടുൽക്കർ രംഗത്ത്. ഔദ്യോഗിക ട്വിറ്റർ പേജിലൂടെയാണ് ദുരിതബാധിതരെ സഹായിക്കണമെന്ന് അദ്ദേഹം തന്റെ ആരാധകാരോട് ആവശ്യപ്പെട്ടത്.
കേരളത്തിന് നമ്മുടെ സഹായം അത്യാവശ്യമാണെന്നും മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ചെറിയ സംഭാവന പോലും വലിയ കാര്യമാണെന്നും സച്ചിന്‍ പറഞ്ഞു. പ്രാർത്ഥനകൾ നല്ലതാണ്, പക്ഷേ ബുദ്ധിമുട്ടേറിയ ഈ സാഹചര്യത്തില്‍ നമ്മളെല്ലാവരും കൂടുതല്‍ കാര്യങ്ങള്‍ ചെയ്യണമെന്നും സച്ചിന്‍ ട്വിറ്ററില്‍ കുറിച്ചു.
Read also:നെടുമ്പാശ്ശേരിയില്‍ വിമാനമിറങ്ങുന്നത് നിര്‍ത്തിവച്ചു
ഇതോടെ സച്ചിന്റെ ആവശ്യം ആരാധകർ ഇരുകയ്യും നീട്ടി സ്വീകരിച്ചു. ചെറിയ തുകയാണെങ്കിലും തങ്ങളെക്കൊണ്ട് കഴിയുന്ന സഹായം ചെയ്യുമെന്ന് ആരാധകർ അറിയിക്കുകയും ചെയ്തു. സിനിമാ ലോകത്തുനിന്നും നിരവധിപേർ ധനസഹായം നൽകിയിരുന്നു.
Post Your Comments