ദുബായ്: ദുബായിൽ 12 കാരിയെ പീഡിപ്പിക്കാൻ ശ്രമിച്ച 19കാരനായ പ്രവാസിയെ കോടതി മൂന്നു മാസം തടവിന് വിധിച്ചു. സൂപ്പർമാർക്കറ്റിൽ സാധനങ്ങൾ വാങ്ങാൻ എത്തിയ പെൺകുട്ടിയെ ജീവനക്കാരനായ പാകിസ്താൻകാരൻ പീഡിപ്പിക്കാൻ ശ്രമിക്കുകയായിരുന്നു. പെൺകുട്ടിയുടെ കൈയിൽ പിടിച്ച പ്രതി കുട്ടിയോട് പ്രായം എത്രയാണെന്ന് തിരക്കുകയും, പെൺകുട്ടിയെ ബലംപ്രയോഗിച്ച് ഷെൽഫിനിടയിലേക്ക് കൊണ്ടുപോയ ശേഷം ചുംബിക്കുകയും തനിക്ക് പെൺകുട്ടിയെ ഇഷ്ടമാണെന്ന് പറയുകയുമായിരുന്നു. ഉടൻ തന്നെ പെൺകുട്ടി ഓടി രക്ഷപ്പെടുകയായിരുന്നു.
ALSO READ: യൂണിഫോമിന്റെ അളവെടുക്കാനെന്ന വ്യാജേന പെൺകുട്ടിയെ പീഡിപ്പിക്കാൻ ശ്രമം;യുവാവ് പിടിയിൽ
പെൺകുട്ടി സംഭവം മാതാപിതാക്കളെ അറിയിക്കുകയും തുടർന്ന് പോലീസിൽ പരാതിപ്പെടുകയുമായിരുന്നു. തുടർന്ന് പോലീസ് പ്രതിയെ പിടികൂടുകയായിരുന്നു. ഇയാൾ ആദ്യം കുറ്റം നിഷേധിച്ചെങ്കിലും. സിസിടിവി ദൃശ്യങ്ങൾ പരിശോധിച്ചതോടെ സംഭവം തെളിയുകയായിരുന്നു. പോലീസ് പിടികൂടാൻ എത്തിയപ്പോഴും പ്രതി ഓടി രക്ഷപ്പെടാൻ ശ്രമിച്ചിരുന്നു.
Post Your Comments