തിരുവനന്തപുരം: സംസ്ഥാനത്തെ ദുരിതബാധിത പ്രദേശങ്ങളിലേയ്ക്ക് ആശ്വാസമായി കെഎസ്ആര്ടിസി സ്‌പെഷ്യല്‍ സര്‍വ്വീസുകള്‍ ആരംഭിച്ചു. നെടുമ്പാശ്ശേരി വിമാനത്താവളം അടച്ചിട്ട സാഹചര്യത്തില്‍ തിരുവനന്തപുരം, നെടുമ്പാശ്ശേരി എയര്‍പോര്‍ട്ടുകള്‍ ബന്ധപ്പെടുത്തിയുള്ളതാണ് സ്‌പെഷ്യല്‍ സര്‍വീസുകള്‍.
read also : നെടുമ്പാശ്ശേരി വിമാനത്താവളത്തിലെ വെള്ളം ഒഴുക്കിക്കളയാൻ മതിൽ പൊളിച്ചപ്പോഴുള്ള ദൃശ്യങ്ങൾ കാണാം
നെടുമ്പാശ്ശേരി വിമാനത്താവളം അടച്ചതിനാല്‍ നെടുമ്പാശ്ശേരിയില്‍ നിന്നും പോകുന്ന എല്ലാ വിമാനങ്ങളും തിരുവനന്തപുരത്ത് നിന്നായിരിക്കും പുറപ്പെടുക എന്ന് എയര്‍പോര്‍ട്ട് അധികൃതര്‍ അറിയിച്ച സാഹചര്യത്തില്‍ വിമാന യാത്രക്കാരുടെ സൗകര്യാര്‍ത്ഥം കെഎസ്ആര്ടിസി തിരുവനന്തപുരത്തു നെടുമ്പാശ്ശേരി എയര്‍പോര്‍ട്ടിലേക്കും തിരിച്ചുമുള്ള സ്‌പെഷ്യല്‍ സര്‍വീസുകള്‍ ആരംഭിച്ചത്.
എയര്‍പോര്‍ട്ട് പ്രവര്‍ത്തനങ്ങള്‍ സാധാരണനിലയില്‍ ആകുന്നതുവരെ ഈ സര്‍വീസുകള്‍ തുടരുന്നതാണെന്നും ആവശ്യമെങ്കില്‍ അധിക സര്‍വീസുകള്‍ അയയ്ക്കുമെന്നും കെഎസ്ആര്ടിസി ചെയര്‍മാന്‍ ആന്‍ഡ് മാനേജിംഗ് ഡയറക്ടര്‍ ടോമിന്‍ ജെ. തച്ചങ്കരിപറഞ്ഞു.
Post Your Comments