ഇസ്ലാമാബാദ്: കാറിലിരുന്ന് ചുംബിച്ച കമിതാക്കൾക്ക് കിട്ടിയത് എട്ടിന്റെ പണി. പാക്കിസ്ഥാനിലെ ഇസ്ലാമാബാദിലാണ് സംഭവം. ഇരുവരെയും പോലീസ് അറസ്റ്റുചെയ്തു.
കാറിൽ ചുംബന രംഗം കണ്ട ഒരു യുവാവ് പോലീസിൽ പരാതിപ്പെടുകയായിരുന്നു. പോലീസ് സംഭവ സ്ഥലത്ത് എത്തിയപ്പോഴും കമിതാക്കൾ ചുംബിച്ചുകൊണ്ടിരിക്കുകയായിരുന്നു. രാജ്യത്തെ നിയമമനുസരിച്ച് കമിതാക്കൾ ചെയ്ത തെറ്റിന് മൂന്ന് മാസം തടവോ പിഴയോ ഇല്ലെങ്കിൽ രണ്ടും ഒരുമിച്ചോ അനുഭവിക്കേണ്ടി വരും.
Read also:പുകയില ഉൽപ്പന്നങ്ങളുമായി സിനിമാ നിർമ്മാതാവ് പിടിയിൽ
കറാച്ചി കമ്പനി പോലീസ് സ്റ്റേഷനില്‍ കൊണ്ടുപോയ ഇവരെ പിന്നീട് വിട്ടയക്കുകയായിരുന്നു. എന്നാൽ ഇവർക്ക് ഉടൻ ശിക്ഷ വിധിക്കുമെന്ന് പോലീസ് വ്യക്തമാക്കി. മുസ്ലീം മത നിയമം കര്‍ശനമായ പാക്കിസ്ഥാനില്‍ പാര്‍ക്കുകളിലും മാളുകളിലും എത്തുന്ന കമിതാക്കളെ പോലീസ് വിരട്ടിയോടിക്കുകയാണ് പതിവ്.
Post Your Comments