കോട്ടയം : കല്യാണ ഹാളിലെ ഡ്രസ്സിംഗ്‌റൂമില്‍ ഒളി കാമറ വെച്ച് സ്ത്രീകളുടെ നഗ്‌നദൃശ്യങ്ങള്‍ പകര്‍ത്തല്‍ വിനോദമാക്കിയ യുവാവ് പിടിയിലായി. ഇവന്റ്മാനേജ്‌മെന്റ് കാരന്‍ കൊടുങ്ങല്ലൂര്‍ പുല്ലൂറ്റ് ആലിപ്പറമ്പില്‍ അന്‍വര്‍ സാദത്തിനെ (33) നെയാണ് കല്യാണ ഓഡിറ്റോറിയത്തിലെ റൂമില്‍ ഒളികാമറ പ്രയോഗം നടത്തിയതിന് പോലീസ് അറസ്റ്റു ചെയ്തത്. സ്ത്രീകള്‍ വസ്ത്രം മാറുന്ന ദൃശ്യങ്ങള്‍ മൊബൈലില്‍ റെക്കോഡ് ചെയ്യപ്പെട്ടിരുന്നു.
കഴിഞ്ഞ ദിവസമായിരുന്നു സംഭവം. ഓഡിറ്റോറിയത്തില്‍ സല്‍ക്കാര ചടങ്ങുകള്‍ കഴിഞ്ഞ് സ്ത്രീകള്‍ മുറിയില്‍ വസ്ത്രം മാറുകയായിരുന്നു. ഇവന്‍മാനേജ്മെന്റിന്റെ ഭാഗമായി ചടങ്ങില്‍ നൃത്തപരിപാടിക്ക് എത്തിയ സാദത്തും ആ സമയം സ്ത്രീകള്‍ വസ്ത്രം മാറുന്നിടത്ത് എത്തി.
യുവതിയുടെ നഗ്നദൃശ്യങ്ങൾ പകർത്തി; യുവാവ് അറസ്റ്റിൽ
സ്ത്രീകളെ മുറിയില്‍നിന്ന് ഇറക്കിയശേഷം ഇയാള്‍ വസ്ത്രംമാറി. ഇതിനിടെ മൊബൈല്‍ഫോണ്‍ ക്യാമറ ഓണാക്കി മുറിയിലെ ബാഗില്‍ ഒളിപ്പിച്ച ശേഷം പുറത്തിറങ്ങി. പിന്നീടു രണ്ട് സ്ത്രീകള്‍ മുറിയില്‍ കയറി വസ്ത്രം മാറി.
മൂന്നാമത്തെ യുവതി മുറിയില്‍ കയറിയപ്പോള്‍ സംശയം തോന്നി ബാഗ് പരിശോധിച്ചപ്പോഴാണ് ക്യാമറ കണ്ടെത്തിയത്. തുടര്‍ന്ന് അന്‍വര്‍ സാദത്തിനെ പിടികൂടിയ സ്ത്രീകള്‍ ഇയാളെ പോലീസിനു കൈമാറുകയായിരുന്നു.
Post Your Comments