ഏവരും ആകാംഷയോടെ കാത്തിരിക്കുന്ന സാംസങ് ഗാലക്സി നോട്ട് 9 സ്വന്തമാക്കാൻ ഇതാ ഒരു സുവർണ്ണാവസരം

ഏവരും ആകാംഷയോടെ കാത്തിരിക്കുന്ന സാംസങ് ഗാലക്സി നോട്ട് 9 സ്വന്തമാക്കാൻ ഇതാ ഒരു സുവർണ്ണാവസരം. യുഎഎയിലെ പല റീട്ടെയിൽ ഷോപ്പുകളിലും ഓണലൈനായും പ്രീഓർഡർ ചെയുവാൻ സൗകര്യം ഒരുക്കിയതായി കമ്പനി അറിയിച്ചു. സാംസങ് അവതരിപ്പിക്കുന്ന ഏറ്റവും വില കൂടിയ ഫോണായ നോട്ട് 9 ഓഗസ്റ്റ് 24നു പുറത്തിറക്കുമെന്നാണ് ടെക്ക് മാധ്യമങ്ങൾ റിപ്പോർട്ട് ചെയുന്നത്.

കിടിലൻ ഫീച്ചറുകളുമായാണ് ഫോൺ എത്തുക. 6.4 ഇഞ്ച് ഡിസ്‌പ്ലേ ഉള്ള നോട്ട് 9ന്റെ 6ജിബി റാം 128 ജിബി മെമ്മറിയുള്ള മോഡലിന് വാറ്റ് ഉൾപ്പടെ 3,699 ദിർഹമാണ് യുഎഎയിൽ വില. 8ജിബി റാം 512ജിബി മെമ്മറിയുമുള്ള മോഡലിന് 4,599 ദിർഹമാണ് (വാറ്റ് ഉൾപ്പടെ) വില. അതേസമയം ആദ്യം ഫോൺ ബുക്ക് ചെയ്യുന്നവർക്ക് ചില സമാനങ്ങളും വാഗ്‌ദാനം ചെയുന്നു. 8ജിബി റാം 512ജിബി മോഡൽ ബുക്ക് ചെയ്യുന്നവർക്ക് ജെബിഎൽ ഹെഡ് ഫോണും,ബ്ലൂടൂത്ത് സ്‌പീക്കറും സൗജന്യമായി ലഭിക്കുമെന്നാണ് വിവരം.

രാജ്യത്തെ പല റീട്ടെയിൽ ഷോപ്പുകളും ഓൺലൈൻ കമ്പനികളും മാസ തവണ എന്ന വ്യവസ്ഥയിൽ പ്രീഓർഡർ ചെയ്യുവാനും സൗകര്യമൊരുക്കുന്നു. ഷറഫ്‌ ഡിജെ , ജംബോ ഇലക്ട്രോണിക്സ്, ഇറോസ് ഡിജിറ്റൽ, ജാക്കിസ് ഇലക്ട്രോണിക്സ്, പ്ളഗ് ഇൻസ്, ആമസോണിന്റെ സൗഗ്.കോം, ലുലു വെബ്സ്റ്റോർ എന്നിവയിൽ നോട്ട് 9 മികച്ച വിലയിലും ഓഫറുകളും സഹിതം പ്രീ ഓർഡർ ചെയ്യാവുന്നതാണ്. കൂടാതെ ഇത്തിസലാത്തും,ധുവും നോട്ട് 9 പ്രീ ഓർഡർ ചെയാൻ അവസരമൊരുക്കുന്നു.

Also read : അമ്പരപ്പിക്കുന്ന ഓഫറുകളുമായി ആമസോണ്‍ രംഗത്ത്