മഥുര: പാന്‍മസാല നല്‍കാത്തതിന് ദളിത് യുവാവിനെ മണ്ണെണ്ണ ഒഴിച്ച് കത്തിച്ചു. സംഭവം കണ്ട നാട്ടുകാര്‍ ഓടിക്കൂടി ഇയാളെ ആശുപത്രിയില്‍ പ്രവേശിപ്പിച്ചതിനാല്‍ യുവാവിന് ഗുരുതരമായി പരിക്കേറ്റിട്ടില്ല. വെള്ളിയാഴ്ച ഉത്തര്‍പ്രദേശിലെ മഥുരയിലെ സപോഹയിലായിരുന്നു സംഭവം മുപ്പത്തിരണ്ടുകാരനായ പര്‍ദേസിയാണ് ആക്രമണത്തിനു ഇരയായത്.
Also Read : വീണ്ടും ഇന്ത്യയെ നാണം കെടുത്തി കണ്ണില്ലാത്ത ക്രൂരത, ബലാത്സംഗം എതിര്‍ത്ത പെണ്‍കുട്ടിയെ ജീവനോടെ കത്തിച്ചു
പര്‍ദേസി കടയില്‍നിന്നും വാങ്ങിയ പാന്‍മസാല നല്‍കാന്‍ രാജു, രാഹുല്‍ ഠാക്കൂര്‍ എന്നിവര്‍ ആവശ്യപ്പെട്ടു. എന്നാല്‍ പര്‍ദേസി ഇതിനു വഴങ്ങിയില്ല. ഇതോടെ രാജുവും രാഹുലും ചേര്‍ന്ന് പര്‍ദേസിയുടെ ദേഹത്ത് മണ്ണെണ്ണ ഒഴിച്ച് തീകൊളുത്തുകയായിരുന്നു. സംഭവത്തില്‍ പോലീസ് ആരെയും അറസ്റ്റ് ചെയ്തിട്ടില്ല. ഇരുപത് ശതമാനം പൊള്ളലേറ്റ പര്‍ദേസി ചികിത്സയിലാണ്.
Post Your Comments