തിരുവനന്തപുരം: ട്രാന്‍സ്‌ജെന്‍ഡേഴ്‌സിന് ലിംഗമാറ്റ ശസ‌്ത്രക്രിയക്ക‌് ധനസഹായം അനുവദിച്ച് സർക്കാർ.
ട്രാന്സ്ജെന്ഡര് വിഭാഗത്തിന് വിദ്യാഭ്യാസ, തൊഴില്‍ അവസരങ്ങള്‍ ഉറപ്പുവരുത്തിയ സംസ്ഥാന സര്‍ക്കാര്‍ ട്രാന്‍സ്‌ജെന്‍ഡറുകളുടെ ലിംഗമാറ്റ ശസ്ത്രക്രിയയുടെ ചെലവും വഹിക്കും. ആരോഗ്യമന്ത്രി കെ കെ ശൈലജയുടെ അധ്യക്ഷതയില്‍ ചേര്‍ന്ന ട്രാന്സ്ജെന്ഡര് ജസ്റ്റിസ് ബോര്‍ഡ് യോഗത്തിലാണ് ഈ തീരുമാനം ലിംഗമാറ്റ ശസ‌്ത്രക്രിയക്ക‌് 2 ലക്ഷം രൂപ വരെ സർക്കാർ നല്‍കും.
ALSO READ: വെറുതെ ലൈംഗികത്തൊഴിലിന് ഇറങ്ങിയവരല്ല ട്രാന്‍സ്‍ജെന്‍ഡറുകള്‍: അഞ്ജലി അമീറിനെതിരെ ശീതള്‍ ശ്യാം
ആണ്‍, പെണ്‍, ട്രാന്സ്ജെന്ഡര് വിഭാഗങ്ങളുടെ ലിംഗസമത്വം എന്ന ലക്ഷ്യപ്രാപ്തിക്കായി എല്‍ഡിഎഫ് സര്‍ക്കാര്‍ രാജ്യത്താദ്യമായി ട്രാന്സ്ജെന്ഡര് പോളിസിയും, ട്രാന്‍സ്‌ജെന്‍ഡറുകള്‍ക്കായി കലാലയങ്ങളില്‍ രണ്ടുശതമാനം അധിക സീറ്റും സര്‍ക്കാര്‍ പ്രഖ്യാപിച്ചിരുന്നു. ഇതിന് പുറകെയാണ് പുതിയ തീരുമാനം. ശസ്ത്രക്രിയ സംസ്ഥാനത്തിനകത്തോ പുറത്തോ ആകാം. അധിക തുക ആവശ്യമായി വരുന്നവര്‍ക്ക് കൂടുതല്‍ പരിശോധനകള്‍ക്ക് ശേഷം തുക അനുവദിക്കും. ഇത് സംബന്ധിച്ച ഉത്തരവ് ഉടന്‍ ഇറങ്ങും.
Post Your Comments