തിരുവനന്തപുരം : സ്വന്തം സഹോദരിയുടെ സ്വർണ്ണം മോഷ്ടിച്ച സഹോദരന്‍ പോലീസ് പിടിയിൽ.നെടുമങ്ങാട് ഇരിഞ്ചയം പൂവത്തൂർ അന്‍സി മന്‍സിലില്‍ അനസ് (30) ആണ് പിടിയിലായത്. ഇയാൾ സഹോദരിയുടെ 42 പവൻ സ്വർണമാണ് കവർന്നത്.
വെള്ളിയാഴ്ചയാണ് സംഭവം നടന്നത്. വീട്ടിൽ നിന്നും സ്വർണം മോഷ്ടിച്ചതിന് ശേഷം അനസ് പുറത്തുപോയി. തിരികെവന്നപ്പോൾ സ്വർണം നഷ്ടപ്പെട്ടതായി സഹോദരി അറിയിക്കുകയും തുടർന്ന് ഇരുവരും ഒരുമിച്ച് പോലീസിൽ പരാതി നൽകുകയും ചെയ്തു.
Read also:പ്രമേഹം ഉണ്ടാകാൻ ഇതും ഒരു കാരണമെന്ന് പഠനങ്ങൾ
തുടര്‍ന്ന് പോലീസ് നടത്തിയ അന്വേഷണത്തിലാണ് അനസാണ്‌ മോഷ്ടാവെന്ന് മനസിലാക്കിയത്. ഇതിനിടെ അനസ് മോഷ്ടിച്ച സ്വര്‍ണ്ണത്തില്‍ പകുതി നെടുമങ്ങാട്ടെ ഒരു ജ്വല്ലറിയില്‍ വില്‍പ്പന നടത്തിയിരുന്നു.ബാക്കി സ്വർണവും പോലീസ് കണ്ടെടുത്തു. പ്രതിയെ റിമാൻഡ് ചെയ്തു.
Post Your Comments