യഥാർത്ഥ തോക്കാണെന്ന് തെളിയിക്കാൻ വെടിയുതിർത്തു; യുവതിക്ക് ദാരുണാന്ത്യം

ന്യൂഡൽഹി: യഥാർത്ഥ തോക്കാണെന്ന് തെളിയിക്കുന്നതിനായി യുവാവ് വെടിവെച്ചു. അബദ്ധത്തിൽ വെടിയേറ്റ് യുവതി മരിച്ചു. തോക്കുമായി സുഹൃത്തിന്റെ വീട്ടിലെത്തിയ യുവാവ് കൂട്ടുകാരിക്ക് തോക്ക് കാണിച്ചുകൊടുത്തു. എന്നാൽ ഇത് യഥാർത്ഥ തോക്കാണെന്ന് വിശ്വസിക്കാൻ യുവതി തയ്യാറായില്ല. ഇതേ തുടർന്നാണ് യുവാവ് വെടിയുതിർത്തത്. ഇത് അബദ്ധവശാൽ യുവതിയുടെ വയറിൽ ഏൽക്കുകയായിരുന്നു.

ALSO READ: തന്നെ വൃദ്ധസദനത്തിലാക്കാൻ തുനിഞ്ഞ മകനെ അമ്മ വെടിവെച്ചുകൊന്നു

യുവതിയെ മൂന്നു സുഹൃത്തുക്കൾ ചേർന്ന് ഉടനടി ആശുപത്രിയിൽ എത്തിച്ചെങ്കിലും ചികിത്സയിലിരിക്കെ യുവതി മരണത്തിനു കീഴടങ്ങുകയായിരുന്നു. സംഭവത്തെ തുടർന്ന് യുവാവിനെ പോലീസ് അറസ്റ്റ് ചെയ്‌തു . മനഃപൂർവം ചെയ്തതല്ലെന്നും യുവതിയുടെ നിർദേശപ്രകാരമാണ് താൻ വെടിവെച്ചതെന്നും യുവാവ് പോലീസിനോട് പറഞ്ഞു.