കാണാതായ യുവാവിന്റെ മൃതദേഹം ദിവസങ്ങൾക്ക് ശേഷം പുല്ലയാറില്‍ നിന്ന് കണ്ടെത്തി

കോട്ടയം: പുല്ലയാറില്‍ കാണാതായ യുവാവിന്റെ മൃതദേഹം പത്ത് ദിവസത്തിന് ശേഷം കണ്ടെത്തി. അടൂര്‍ സ്വദേശി ഷാഹുല്‍(21) ​ന്റെ മൃതദേഹമാണ്​ കണ്ടെത്തിയത്. പുല്ലയാറില്‍ നിന്ന്​ 18 കിലോമീറ്റര്‍ അകലെ എരുമേലി ഒാരങ്കല്‍ കടവില്‍ നിന്നുമാണ് മൃതദേഹം കണ്ടെത്തിയത്. 16നായിരുന്നു ഷാഹുലിനെ കാണാതായത്. ഇന്ന്​ രാവിലെ ഏഴോടെ മൃതദേഹം ഒഴുകി വരുന്നത് നാട്ടുകാരാണ് കണ്ടത്.

ALSO READ: വള്ളം മറിഞ്ഞ് കാണാതായ മാധ്യമപ്രവർത്തകന്റെ മൃതദേഹം കണ്ടെത്തി

ആറിൽ മീന്‍ പിടിക്കാനെത്തിയതായിരുന്നു ഷാഹുലും സുഹൃത്ത്​ പ്രവീണും. കാല്‍ വഴുതി വെള്ളത്തില്‍ വീണ പ്രവീണിനെ രക്ഷിക്കാനുള്ള ശ്രമത്തിനിടെ ഷാഹുലിനെയും കാണാതാവുകയായിരുന്നു. പ്രവീണിന്റെ മൃതദേഹം മുന്നേ കണ്ടെത്തിയിരുന്നു. ഇരുവരെയും കാണാതായി മൂന്നു ദിവസങ്ങള്‍ക്ക്​ ശേഷം 19ന്​ പ്രവീണി​ന്റെ മൃതദേഹം മണിമലയാറ്റിലെ മൂരിക്കയത്തു നിന്ന്​ കണ്ടെത്തിയത്.