കൊല്ലം: കാല്ലം കരിങ്ങന്നൂരിലെ ഒരു സമാന്തര വിദ്യാഭ്യാസ സ്ഥാപനത്തിലെ അധ്യാപകന്റെ ശല്യം സഹിക്കവയ്യാതെ വിദ്യാര്‍ത്ഥി ക്ലാസില്‍ നിന്നും ഇറങ്ങി ഓടി. നിസാര കാര്യങ്ങള്‍ ഉണ്ടാക്കി ഇയാള്‍ വിദ്യാര്‍ത്ഥിയുടെ കൈയ്യില്‍ നുള്ളുകയായിരുന്നു. എന്നാല്‍ ഇത് വെറും നുള്ള് അല്ല വിദ്യാര്‍ത്ഥിയുടെ ശരീരത്തില്‍ സ്പര്‍ശിക്കാനുള്ള അധ്യാപകന്റെ തന്ത്രമായിരുന്നു. ഇത് മനസിലാക്കിയ കുട്ടിയുടെ രക്ഷിതാക്കള്‍ പോലീസില്‍ പരാതി നല്‍കി. തുടര്‍ന്ന് 27കാരനായ ഷൈലോയെ പോലീസ് അറസ്റ്റ് ചെയ്തു.
READ ALSO: പീഡനം ; അധ്യാപകന്‍ അറസ്റ്റില്‍
13കാരിയായ എട്ടാം ക്ലാസ് വിദ്യാര്‍ത്ഥിനിയെ അധ്യാപകനായ ഷൈലോ നുള്ളി നോവിക്കുക പതിവായിരുന്നു. കണക്ക് അധ്യാപകനായ ഇയാള്‍ കുട്ടിയുടെ സ്വകാര്യ ഭാഗങ്ങളില്‍ സ്പര്‍ശിക്കാന്‍ ശ്രമിക്കുകയും ചെയ്തു. നിസാര കാര്യങ്ങള്‍ കണ്ടെത്തി കുട്ടിയെ ഉപദ്രവിക്കുക ഇയാളുടെ പതിവായിരുന്നെന്നാണ് പരാതി. ഒരു ദിവസം കുട്ടി ക്ലാസില്‍ നിന്നും ഇറങ്ങി പോകുക വരെ ചെയ്തു.
READ ALSO: അധ്യാപികയുടെ മർദനം; കോണിപ്പടിയില്‍ നിന്ന് വീണ് വിദ്യാര്‍ത്ഥിക്ക് ഗുരുതര പരിക്ക്
തുടര്‍ന്നാണ് കുട്ടിയുടെ മാതാപിതാക്കള്‍ പോലീസില്‍ എത്തി പരാതി നല്‍കിയത്. എന്നാല്‍ ആരോപണങ്ങള്‍ അടിസ്ഥാനരഹിതമാണെന്നാണ് ഷൈലോ പോലീസിനോട് പറഞ്ഞത്. ഗുണന പട്ടിക പഠിക്കാത്തതിനാണ് താന്‍ വിദ്യാര്‍ത്ഥിനിയെ നുള്ളിയതെന്നും അദ്ദേഹം പറഞ്ഞു. പോക്‌സോ നിയമം ചുമത്തി അറസ്റ്റ് ചെയ്ത ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments