ഉപയോക്താക്കള്‍ക്ക് തിരിച്ചടിയുമായി എയര്‍ടെല്‍; പഴയ പ്ലാനുകളില്‍ ഡേറ്റ കുറച്ചു

ഉപയോക്താക്കള്‍ക്ക് തിരിച്ചടിയുമായി എയര്‍ടെല്‍, പഴയ പ്ലാനുകളില്‍ ഡേറ്റ കുറച്ചു. റിലയന്‍സ് ജിയോയുടെ ഡബിള്‍ ധമാക ഓഫര്‍ വന്നതോടു കൂടിയായിരുന്നു അന്ന് എയര്‍ടെല്‍ ഈ പ്ലാനുകളില്‍ അധിക ഡേറ്റ വാഗ്ദാനം ചെയ്തിരുന്നത്. എന്നാല്‍ ജൂണ്‍ 20ന് ജിയോ ഓഫറുകള്‍ അവസാനിച്ചപ്പോള്‍ എയര്‍ടെല്‍ ഡേറ്റ ഓഫറുകള്‍ കുറയ്ക്കുകയായിരുന്നു. എയര്‍ടെല്‍ തങ്ങളുടെ 149 രൂപ, 399 രൂപ എന്നീ പ്ലാനുകള്‍ പുതുക്കി.

Also Read : എയര്‍ടെല്‍ ഉപയോക്താക്കൾക്കൊരു സന്തോഷ വാർത്ത : ഈ പ്ലാനിൽ ഡാറ്റ പരിധി ഉയർത്തി

ഈ രണ്ടു പ്ലാനുകളുടെ ഡേറ്റയാണ് എയര്‍ടെല്‍ കുറച്ചിരിക്കുന്നത്. ഇപ്പോള്‍ 149 രൂപ പ്ലാനില്‍ 1ജിബി ഡേറ്റ 28 ദിവസത്തെ വാലിഡിറ്റിയില്‍ പ്രതി ദിനം നല്‍കുന്നു. നേരത്തെ ഈ പ്ലാനില്‍ പ്രതി ദിനം 2ജിബി ഡേറ്റയായിരുന്നു അതേ വാലിഡിറ്റിയില്‍. എയര്‍ടെല്ലിന്റെ 399 രൂപ പ്രീപെയ്ഡ് പ്ലാനില്‍ 2.4ജിബി ഡേറ്റയായിരുന്നു നേരത്തെ നല്‍കിയിരുന്നത്. ഇപ്പോള്‍ 1.4ജിബി ഡേറ്റയാണ് നല്‍കുന്നത്. ഈ പ്ലാനില്‍ ചില ഉപയോക്താക്കള്‍ക്ക് 70 ദിവസവും ചില ഉപയോക്താക്കള്‍ക്ക് 84 ദിവസവുമാണ് വാലിഡിറ്റി.