ഇരിട്ടി: സംസ്ഥാനത്ത് വീണ്ടും കാട്ടാന ആക്രമണം. ആറളം ഫാം ആദിവാസി പുനരധിവാസ മേഖലയിലാണ് കാട്ടാനയിറങ്ങിയത് . ആനയെ കണ്ട് ഭയന്നോടിയ പത്താം ബ്ലോക്കിലെ ആദിവാസി യുവാവ് അനീഷിനാണ് പരിക്കേറ്റത്. ഇയാളെ തലശേരി ജനറലാശുപത്രിയില്‍ പ്രവേശിപ്പിച്ചു.
Read also:മക്കളെ കാണാനെത്തിയ പിതാവിനെ തട്ടിക്കൊണ്ടുപോകാന്‍ വന്നയാളെന്നാരോപിച്ച്‌ ജനക്കൂട്ടം മർദിച്ചു
രാത്രി പത്ത് മണിക്ക് ബൈക്കിൽ വീട്ടിലേക്ക് പോകുമ്പോൾ അനീഷ് ആനയുടെ മുമ്പിൽ പെടുകയായിരുന്നു.ബൈക്കുപേക്ഷിച്ച്‌ ഓടുന്നതിനിടയില്‍ അനീഷിന് വീണ് പരിക്കേറ്റു. ഇതേ സ്ഥലത്ത് ആദിവാസികള്‍ അടക്കം ആറ് പേര്‍ വന്യജീവി ആക്രമണത്തില്‍ കൊല്ലപ്പെട്ടിരുന്നു. ആനകളെ കാട്ടിലേക്ക് തുരത്താന്‍ വനം വകുപ്പ് അടിയന്തര നടപടി സ്വീകരിക്കണമെന്ന് ആദിവാസി ക്ഷേമസമിതി ഫാം ഏരിയാ കമ്മിറ്റി ആവശ്യപ്പെട്ടു.
Post Your Comments