കെട്ടിടങ്ങള്‍ തകര്‍ന്നു വീണ് രണ്ടു പേര്‍ക്ക് ദാരുണാന്ത്യം

ഗ്രേറ്റര്‍ നോയിഡ: കെട്ടിടങ്ങള്‍ തകര്‍ന്നു വീണ് രണ്ടു പേര്‍ക്ക് ദാരുണാന്ത്യം. നിര്‍മാണം പൂര്‍ത്തിയാക്കിയ ആറു നില കെട്ടിടം സമീപത്തു നിര്‍മാണത്തിലിരുന്ന നാലുനില കെട്ടിടത്തിലേക്ക് തകര്‍ന്നു വീണാണ് അപകടമുണ്ടായത്. ഷാ ബേരി ഗ്രാമത്തില്‍ ചൊവ്വാഴ്ച രാത്രിയിലാണ് അപകടം നടന്നത്.

Also Read : 11 വാഹനങ്ങള്‍ കൂട്ടിയിടിച്ചുണ്ടായ അപകടം; എട്ടുപേര്‍ക്ക് ദാരുണാന്ത്യം

 സംഭവത്തെ തുടര്‍ന്ന് ദേശീയ ദുരന്തനിവാരണസേന രക്ഷാപ്രവര്‍ത്തനത്തിനായി സ്ഥലത്തെത്തിയിട്ടുണ്ട്. അടിയന്തര റിപ്പോര്‍ട്ട് നല്‍കാന്‍ ജില്ലാ ഭരണകൂടത്തിനോട് മുഖ്യമന്ത്രി യോഗി ആദിത്യനാഥ് ആവശ്യപ്പെടുകയും ചെയ്തു. ഇരുപതോളം പേര്‍ കെട്ടിടത്തിനുള്ളില്‍ കുടുങ്ങിക്കിടക്കുന്നതായി സംശയിക്കുന്നതായി അധികൃതര്‍ അറിയിച്ചു.