യുവന്റസിന് അഭിനന്ദനവുമായി മൗറീഞ്ഞ്യോ

മാഞ്ചസ്റ്റർ: പോർച്ചുഗൽ സൂപ്പർതാരം ക്രിസ്റ്റിയാനോ റൊണാള്‍ഡോയെ സ്വന്തമാക്കിയ ഇറ്റാലിയന്‍ ക്ലബ്ബായ യുവന്റസിനെ അഭിനന്ദിച്ച്‌ മാഞ്ചസ്റ്റര്‍ യുണൈറ്റഡ് പരിശീലകൻ മൗറീഞ്ഞ്യോ. ലോകത്തിലെ ഏറ്റവും മികച്ച രണ്ടു കളിക്കാരില്‍ ഒരാളെയാണ് യുവന്റസ് സ്വന്തമാക്കിയിരിക്കുന്നതെന്നും യുവന്റസിനും ക്രിസ്റ്റിയാനോയ്ക്കും ഇറ്റാലിയന്‍ ഫുട്ബോളിന്റെയും ലോക ഫുട്ബാളിന്റെയും തലവര മാറ്റിയെഴുതാനാകുമെന്നും മൗറീഞ്ഞ്യോ പറഞ്ഞു. റയലിന്റെ മുൻ പരിശീലകനായിരുന്നു മൗറീഞ്ഞ്യോ. റൊണാള്ഡോയ്ക്കായി ലോകം ഇറ്റാലിയൻ ഫുട്ബോൾ കാണുമെന്നും അദ്ദേഹം കൂട്ടിച്ചെർത്തു.

റൊണാൾഡോയുടെ വരവോടെ ലോകത്തിലെ തന്നെ ശക്തരായ ടീമാകും യുവന്റസ് എന്നും ഇനി മറ്റു ടീമുകൾ യുവന്റസിനോട് കിടപിടിക്കാൻ കടുത്ത പോരാട്ടം നടത്തേണ്ടി വരുമെന്നും മൗറീഞ്ഞ്യോ പറഞ്ഞു.