ഔറംഗബാദ്: സ്‌കൂളിലെ അടുക്കളയിൽ നിന്ന് 60 അണലികളെ കണ്ടെത്തി. മഹാരാഷ്ട്രയിലെ ഹിങ്കോലി ജില്ലയിലുള്ള സ്‌കൂളിലാണ് സംഭവം. ഒരു സ്ഥലത്ത് നിന്നുതന്നെ ഇത്രയും പാമ്പുകളെ കണ്ടെത്തിയത് കുട്ടികളെയും സ്‌കൂൾ ജീവനക്കാരെയും ഒരുപോലെ പരിഭ്രാന്തിയിലാഴ്ത്തി. സ്‌കൂളിലെ പാചകക്കാരിയാണ് വിറകിന്റെ അടിയിൽ നിന്ന് രണ്ട് പാമ്പുകളെ കണ്ടെത്തിയത്. തുടർന്ന് ബാക്കിയുള്ള വിറകുകൾ മാറ്റിയപ്പോൾ കൂടുതൽ പാമ്പുകളെ കണ്ടെത്തുകയായിരുന്നു. വിവരമറിഞ്ഞെത്തിയ നാട്ടുകാർ പാമ്പുകളെ കൊല്ലാൻ ശ്രമിക്കുകയുണ്ടായി. പിന്നീട് ഹെഡ്മാസ്റ്റർ ഇടപെട്ട് അവരെ പിന്തിരിപ്പിക്കുകയായിരുന്നു. ഒടുവിൽ വിക്കി ദലാൽ എന്ന പാമ്പുപിടിത്തക്കാരൻ എത്തിയാണ് 60 പാമ്പുകളെയും പിടികൂടിയത്.
Read Also:പാമ്പ് മനുഷ്യൻ; സോഷ്യൽ മീഡിയയിൽ വൈറലായ ചിത്രത്തിന് പിന്നിലെ സത്യം ഇതാണ്
Post Your Comments