ഭോപാല്‍: 15 വയസ്സുകാരിയെ ബലാത്സംഗം ചെയ്തശേഷം കൊലപ്പെടുത്താൻ ശ്രമിച്ചയാൾ പിടിയിൽ. മധ്യപ്രദേശില്‍ സാത്രി ഗ്രാമത്തിലെ വനപ്രദേശത്തിലാണ് സംഭവം. സംഭവവുമായി ബന്ധപ്പെട്ട് ഹരിരാം കുശ്വഹ (32) എന്നയാള്‍ പിടിയിലായി. പെൺകുട്ടിയെ തട്ടിക്കൊണ്ടുപോയ ഇയാൾ പീഡനത്തിന് ശേഷം കുട്ടിയുടെ തലയിൽ കല്ലുകൊണ്ട് അടിച്ച് കൊല്ലാൻ ശ്രമിക്കുകയായിരുന്നു.
പെണ്‍കുട്ടിയുടെ കുടുംബം അയല്‍വാസികളുമായി വ്യാഴാഴ്ച വൈകുന്നേരം പ്രശ്നമുണ്ടാക്കിയിരുന്നു. സംഭവം പോലീസിൽ പരാതിപ്പെടാൻ ഖരഗ്പുര്‍ പോലീസ് സ്റ്റേഷനില്‍ പോകും വഴി ഹരിരാം പെൺകുട്ടിയെ പോലീസ് സ്റ്റേഷനിൽ കൊണ്ടുവിടാമെന്ന് പറഞ്ഞു ബൈക്കിൽ കയറ്റി. തുടർന്ന് വഴി മാറി കാടിനുള്ളിലേക്ക് കൊണ്ടുപോകുകയായിരുന്നു.
Read also:മോക് ഡ്രില്ലിനിടെ അപകടം; വിദ്യാർത്ഥിനി കെട്ടിടത്തില്‍ നിന്ന് വീണു മരിച്ചു ( വീഡിയോ )
ഇന്ന് രാവിലെയാണ് ഗുരുതരാവസ്ഥയിൽ പെൺകുട്ടിയെ കണ്ടെത്തിയത്. പെണ്‍കുട്ടിയുടെ മൊഴി പ്രകാരം പ്രതിക്കെതിരെ ബലാത്സംഗം, കൊലപാതകശ്രമം, തട്ടിക്കൊണ്ടുപോകൽ, പോക്സോ നിയമം എന്നീ കുറ്റങ്ങൾ ചുമത്തി കേസെടുത്തു. പെൺകുട്ടി ആശുപത്രിയിൽ ചികിത്സയിലാണ്.
Post Your Comments