ദേശീയ പാതയില്‍ ടാങ്കര്‍ ലോറി മറിഞ്ഞ് അപകടം

കണ്ണൂര്‍: ദേശീയ പാതയില്‍ ഗ്യാസ് ടാങ്കര്‍ ലോറി മറിഞ്ഞ് അപകടം. കണ്ണൂര്‍ കല്യാശ്ശേരി മാങ്ങാട് ദേശീയ പാതയിലാണ് ബുള്ളറ്റ് ടാങ്കര്‍ അപകടത്തിൽപ്പെട്ടത്. ദേശീയപാത 66ല്‍ വ്യാഴാഴ്ച പുലര്‍ച്ചെ 6.30 ഓടെ മാങ്ങാട് രജിസ്ട്രാര്‍ ഓഫീസിന് സമീപമാണ് അപകടം നടന്നത്. കണ്ണൂരില്‍ നിന്ന് മംഗലാപുരത്തേക്ക് ഗ്യാസ് നിറയ്ക്കാനായി പോവുകയായിരുന്ന കെ.എ 01 എ.എച്ച്‌. 1995 നമ്പർ ലോറിയാണ് അപകടത്തിനിരയായത്, അപകട കാരണം വ്യക്തമല്ല. നിസ്സാര പരുക്കോടെ ഡ്രൈവര്‍ രക്ഷപ്പെട്ടു. അപകടത്തെക്കുറിച്ച് പോലീസ് അന്വേഷണം നടത്തുകയാണ്.