നുരയ്ക്കും കറിയ്ക്കും പിന്നില്‍ മദ്യകമ്പനികളോ? ജി.എന്‍.പി.സി കൂടുതല്‍ കുരുക്കിലേക്ക്: അഡ്മിനെതിരെ ഗുരുതര ആരോപണങ്ങള്‍

തിരുവനന്തപുരം•വിവാദമായ ഗ്ലാസിലെ നുരയും പ്ലേറ്റിലെ കറിയും (ജി.എന്‍.പി.സി) എന്ന ഫേസ്ബുക്ക്‌ ഗ്രൂപ്പിന് പിന്നില്‍ മദ്യകമ്പനികളുമായുള്ള ഒത്തുകളിയെന്ന് ആരോപണം. കൂ​ട്ടാ​യ്മ​യു​ടെ അഡ്മിൻ അ​ജി​ത് കു​മാ​ർ തന്‍റെ ഫേസ്ബുക്ക് പേജിൽ ചി​ല മദ്യകമ്പനികളുടെ ബ്രാന്‍ഡിന് അമിത പ്രാധാന്യം നല്‍കിയിരുന്നതായി ‘രാഷ്ട്രദീപിക’ റിപ്പോര്‍ട്ട് ചെയ്യുന്നു. ഫേസ്ബു​ക്ക് പേ​ജ് പ​രി​ശോ​ധി​ച്ച​തി​ൽ നി​ന്നും ബാ​ർ ഹോ​ട്ട​ൽ ജീ​വ​ന​ക്കാ​രി​ൽ നി​ന്നും ല​ഭി​ച്ച മൊ​ഴി​ക​ളു​ടെ അ​ടി​സ്ഥാ​ന​ത്തി​ൽ എ​ക്സൈ​സ് ഇക്കാര്യം സ്ഥിരീകരിച്ചതായും റിപ്പോര്‍ട്ട് പറയുന്നു.

അജിത്തും ബാറുകാരും തമ്മിലുള്ള ഒത്തുകളി നടന്നതായാണ് സംശയിക്കപ്പെടുന്നത്. പ്ര​ധാ​ന​പ്പെ​ട്ട ബാ​ർ ഹോ​ട്ട​ലു​ക​ളി​ൽ ഉ​ൾ​പ്പെ​ടെ ന​ട​ത്തി​യ പ​ല പാ​ർ​ട്ടി​ക​ളു​ടെ​യും പ​ണം മു​ട​ക്കി​യ​ത് മദ്യകമ്പനികള്‍ ആണെന്നാണ് എക്സൈസ് സംശയിക്കുന്നത്. ഇതിനുള്ള തെളിവുകള്‍ ശേഖരിക്കാനുള്ള ശ്രമത്തിലാണ് എക്സൈസ്.

അതിനിടെ, അജിത്തിനെതിരെ എക്സൈസിന് പുറമേ, നാര്‍ക്കോട്ടിക് സെല്ലും പോലീസും കേസെടുത്തിട്ടുണ്ട്. അജിത്തിനെതിരെ ജാമ്യമില്ലാ വകുപ്പ് പ്രകാരം കേസെടുക്കാനാണ് എക്സൈസ് തീരുമാനം. അജിത്തിന്റെ ഭാര്യയും ഗ്രൂപ്പ് മോഡറേറ്ററുമായ വിനി അജിത്തും കേസില്‍ പ്രതിയാകും. ഇ​തി​ന് മു​ന്നോ​ടി​യാ​യി അ​ജി​ത് കു​മാ​ർ ഡി​.ജെ പാ​ർ​ട്ടി ന​ട​ത്തു​ക​യും കൂ​പ്പ​ണ്‍ ന​ൽ​കി മ​ദ്യ​സ​ൽ​ക്കാ​രം ഒ​രു​ക്കി​യ പാ​പ്പ​നം​കോ​ട്ടെ വൈറ്റ് ദാമര്‍ ബാറിലെ ഹോ​ട്ട​ൽ മാ​നേ​ജ​രി​ൽ നി​ന്നും എ​ക്സൈ​സ് മൊ​ഴി രേ​ഖ​പ്പെ​ടു​ത്തി.

കുട്ടികളില്‍ മദ്യപാനശീലം പ്രോത്സാഹിപ്പിക്കല്‍, മതവികാരം വൃണപ്പെടുത്തല്‍, മദ്യപാനത്തിന് സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ പ്ര​ചാ​ര​ണം തുടങ്ങിയവയാണ് അജിത്തിനെതിരെയുള്ള ആരോപണങ്ങള്‍. തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ ജാ​മ്യ​മി​ല്ലാ വ​കു​പ്പ് ചു​മ​ത്തു​മെ​ന്നാ​ണ് പോ​ലീ​സ് വൃ​ത്ത​ങ്ങ​ൾ സൂചിപ്പിക്കുന്നത്. സൈബര്‍ സെല്ലില്‍ നിന്നും വിവരങ്ങള്‍ ലഭ്യമാകുന്നതിന്റെ അടിസ്ഥാനത്തില്‍ അജിത്തിനൊപ്പം ഉണ്ടായിരുന്ന മറ്റു അഡ്മിന്‍മാരെയും കേസില്‍ പ്രതിചേര്‍ക്കും.

മ​ദ്യ​പാ​ന​ത്തി​ലേ​ക്ക് ആ​ളു​ക​ളെ ആകര്‍ഷിച്ച് പാര്‍ട്ടികള്‍ നടത്തി ടിക്കറ്റുകള്‍ വി​റ്റ് വ​ൻ തു​ക​ക​ൾ ക​ഴി​ഞ്ഞ ഒ​രു വ​ർ​ഷ​ക്കാ​ല​ത്തി​നി​ടെ ഇ​യാ​ൾ സമ്പാദിച്ചിട്ടുണ്ടെന്നാണ് എ​ക്സൈ​സി​ന്‍റെ നി​ഗ​മ​നം. ​യാ​ളു​ടെ ബാ​ങ്ക് അ​ക്കൗ​ണ്ട് സം​ബ​ന്ധി​ച്ച വി​വ​ര​ങ്ങ​ൾ പോ​ലീ​സും എ​ക്സൈ​സും ശേ​ഖ​രി​ച്ച് തു​ട​ങ്ങി​യി​ട്ടു​ണ്ട്. അ​ക്കൗ​ണ്ട് മ​ര​വി​പ്പി​ക്കാ​നു​ള്ള ന​ട​പ​ടി​ക​ളും പു​രോ​ഗ​മി​ക്കു​ക​യാ​ണ്. തന്റെ ഫേസ്ബുക്ക്‌ കൂട്ടായ്മയില്‍ ലക്ഷക്കണക്കിന്‌ പേരുണ്ടെന്ന് അവകാശപ്പെട്ടാണ് അജിത്ത് പല ബാറുടമകളുമായി വിലപേശല്‍ നടത്തിയിരുന്നത്.

അതിനിടെ, ഒളിവില്‍ കഴിയുന്ന അജിത്തും ഭാര്യയും മുന്‍കൂര്‍ ജാമ്യത്തിനായി ശ്രമം തുടങ്ങിയിട്ടുണ്ട്. അജിത്ത് അറസ്റ്റിലായതായി കഴിഞ്ഞദിവസം വാര്‍ത്ത‍ വന്നിരുന്നുവെങ്കിലും ഇക്കാര്യത്തില്‍ ഔദ്യോഗിക സ്ഥിരീകരണം ഉണ്ടായിരുന്നില്ല.