കുട്ടമ്പുഴ: പ്രതി തലകൊണ്ടിടിച്ചു പോലീസുകാരന്റെ മൂക്കിന്റെ പാലം തകര്‍ത്തു. കുട്ടമ്പുഴ പോലീസ് കോടതിയില്‍ കൊണ്ടുവന്ന വാറന്റ് പ്രതിയാണ് സിവില്‍ പൊലിസ് ഓഫിസര്‍ ഷിഹാബിന്റെ മൂക്ക് തകർത്തത്. പരിക്കേറ്റ ഷിഹാബിനെ താലൂക്ക് ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് പിണവൂര്‍കുടി കളരിക്കല്‍ കൈലാസിന്റെ പേരില്‍ പോലീസ് കേസെടുത്തു.
Read Also: കൊല്ലത്ത് അധ്യാപിക തൂങ്ങി മരിച്ച സംഭവത്തില്‍ പോലീസിന്റെ വിശദീകരണം ഞെട്ടിക്കുന്നത്
രണ്ടു വര്‍ഷം മുന്‍പു പൊതുസ്ഥലത്തു മദ്യപിച്ചു ബഹളമുണ്ടാക്കിയ കേസില്‍ കോടതിയില്‍ ഹാജരാകാതെ മുങ്ങിനടന്ന കൈലാസിനെ കോടതി നിര്‍ദേശ പ്രകാരമാണ് പോലീസ് ഒളിവിൽ നിന്നും പിടികൂടിയത്. റിമാന്റ് ചെയ്ത് കൈലാസിനെ ജയിലിലേക്കു കൊണ്ടുപോകുമ്പോഴായിരുന്നു ഷിഹാബിനെ ആക്രമിച്ചത്.
Post Your Comments