പ്രവാസജീവിതം അവസാനിപ്പിച്ചു മടങ്ങുന്ന റഹ്‌മാന്‌ നവയുഗം യാത്രയയപ്പ് നൽകി

ദമ്മാം: തൊഴിൽപരമായ പ്രശ്‍നങ്ങളെത്തുടർന്ന് പ്രവാസജീവിതം അവസാനിപ്പിച്ച് നാട്ടിലേയ്ക്ക് മടങ്ങുന്ന നവയുഗം സാംസ്ക്കാരികവേദി ദമ്മാം സിറ്റി യൂണിറ്റ് ട്രെഷറർ റഹ്‌മാൻ കരിക്കോടിന്, നവയുഗം യാത്രയയപ്പ് നൽകി.

ദമ്മാം സിറ്റി യൂണിറ്റ് ഓഫിസിൽ നടന്ന യാത്രയയപ്പ് ചടങ്ങിൽ വെച്ച് യൂണിറ്റ് പ്രസിഡന്റ് നിതിൽ കൂത്തുപറമ്പ്, റഹ്‌മാന്‌ നവയുഗത്തിന്റെ ഉപഹാരം നൽകി. നവയുഗം ജനറൽ സെക്രട്ടറി എം.എ.വാഹിദ് കാര്യറ, കേന്ദ്രകമ്മിറ്റി ട്രെഷറർ സാജൻ കണിയാപുരം, കേന്ദ്രനേതാക്കളായ അരുൺ നൂറനാട്, ഗോപകുമാർ, നിസ്സാം കൊല്ലം, മേഖലനേതാക്കളായ തമ്പാൻ നടരാജൻ, സിജു കായംകുളം,​ നജിം ഷാ, ഷംനാദ്, ശ്രീധർ​,​സനൽ എന്നിവർ പങ്കെടുത്തു. കൊല്ലം കാരിക്കോട് റുംസെയ്ദ് മനസിലിൽ അലിയാര്‍ കുഞ്ഞിന്റെയും റീജ്യ ബീഗത്തിന്റെയും മകനായ റഹ്‌മാൻ അവിവാഹിതനാണ്.