ഹൈദരാബാദ്: സര്‍ക്കാര്‍ ആശുപത്രിയില്‍ കുത്തിവെയ്പ്പ് എടുക്കാന്‍ കൊണ്ടു വന്ന കുഞ്ഞിനെ യുവതി തട്ടിയെടുത്ത സംഭവത്തില്‍ പുതിയ വഴിത്തിരിവ്. സിസി ടിവി ദൃശ്യങ്ങള്‍ വെച്ച് കുട്ടിയെ അന്വേഷണ സംഘം കണ്ടെത്തി. ആന്ധ്ര-കര്‍ണാടക അതിര്‍ത്തിയോട് അടുത്തുള്ള ബിഡാറില്‍ വച്ചാണ് ആറ് ദിവസം മാത്രം പ്രായമുള്ള കുഞ്ഞിനെയും യുവതിയേയും കണ്ടെടുത്തത്. ഹൈദരാബാദിലെ സര്‍ക്കാര്‍ മെറ്റേര്‍ണിറ്റി ആശുപത്രിയില്‍ വച്ച് ഞായറാഴ്ച്ചയായിരുന്നു സംഭവം.
കുഞ്ഞിന് വാക്‌സിനേഷന്‍ നല്‍കാനെത്തിയ ദമ്പതികളിലെ ഭര്‍ത്താവ് കുഞ്ഞിനെ അമ്മയുടെ അടുത്ത് ഏല്‍പിച്ച് പുറത്തേക്ക് പോയി. ഈ സമയം സഹായിക്കാനെന്ന് പറഞ്ഞ് യുവതി അടുത്തെത്തുകയും കുട്ടിയെ തട്ടിയെടുത്ത് കടന്ന് കളയുകയുമായിരുന്നു. ആശുപത്രിയില്‍ നിന്നും ലഭിച്ച സിസിടിവി ദൃശ്യങ്ങളും ബിഡാറിലേക്ക് യുവതി ബസ് കയറുന്ന ദൃശ്യങ്ങളും പോലീസിന് ലഭിച്ചതാണ് ഇവരെ കണ്ടെത്താന്‍ സഹായകരമായത്.
Post Your Comments