പുതുക്കിയ പോസ്റ്റ്‌പെയ്ഡ് പ്ലാനില്‍ വമ്പൻ ഡേറ്റ ഓഫറുമായി എയർടെൽ

തങ്ങളുടെ ഏറ്റവും ജനപ്രീതിയുള്ള ഇന്റർനെറ്റ് ഡേറ്റ പ്ലാനിൽ വമ്പൻ മാറ്റങ്ങളുമായി എയർടെൽ. 649 രൂപയുടെ ഇന്‍ഫിനിറ്റി പോസ്റ്റ്‌പെയ്ഡ് പ്ലാനിലാണ് വന്ന മാറ്റങ്ങളുമായി എയർടെൽ എത്തിയിരിക്കുന്നത്. കൂടുതല്‍ ഡേറ്റ ഉപയോക്താവിന് നൽകുന്നതാണ് എയർടെലിന്റെ ഈ പുതുക്കിയ ഓഫർ. നേരത്തെ ഈ പ്ലാനില്‍ 50 ജിബി ഡേറ്റയായിരുന്നു ലഭിച്ചിരുന്നത്, എന്നാല്‍ പുതുക്കിയ പ്ലാനില്‍ 90ജിബി ഡേറ്റയാണ് മൊത്തത്തില്‍ എയർടെൽ ഈ പ്ലാൻ ഉപയോഗിക്കുന്നവർക്ക് നല്‍കുന്നത്.
.

Also Read : ജിയോയ്‌ക്കെതിരെ അവതരിപ്പിച്ച പ്ലാൻ പരിഷ്ക്കരിച്ച് എയർടെൽ

പുതുക്കിയ 649 രൂപയുടെ പ്ലാനില്‍ 90 ജിബി ഡേറ്റ കൂടാതെ അണ്‍ലിമിറ്റഡ് എസ്റ്റിഡി/ ലോക്കല്‍ കോളുകളും പ്രതിദിനം 100 എസ്‌എംഎസ്സും എയർടെൽ നൽകുന്നുണ്ട്. ഇത് കൂടാതെ പ്ലാനിനൊപ്പം സൗജന്യമായി ഒരു ഫാമിലി കണക്ഷനും ലഭിക്കുന്നു.

മറ്റു ഇന്‍ഫിനിറ്റി പ്ലാനുകൾ പോലെത്തന്നെ ഇതിലും ഒരു വര്‍ഷത്തെ ആമസോണ്‍ പ്രൈം സബ്‌സ്‌ക്രിപ്ഷന്‍, ലൈവ് ടിവി/മൂവി ലൈബ്രറി ആക്‌സസ്, വിങ്ക് ടിവി സബ്‌സ്‌ക്രിപ്ഷന്‍, ഹാന്‍സെറ്റ് ഡാമേജ് പ്രൊട്ടക്ഷന്‍ എന്നിവ പ്ലാനിനൊപ്പം എയർടെൽ നൽകുന്നു.

ഈയിടെയാണ് എയര്‍ടെല്ലിന്റെ 149 രൂപയുടെ പ്ലാന്‍ പുതുക്കിയത്. ഈ പ്ലാൻ അനുസരിച്ച് 2ജിബി 3ജി/4ജി ഡേറ്റ പ്രതിദിനം 28 ദിവസത്തെ വാലിഡിറ്റിയില്‍ ലഭിക്കുന്നു. അങ്ങനെ മൊത്തത്തില്‍ 56ജിബി ഡേറ്റയാണ് ഈ പ്ലാന്‍ നിങ്ങള്‍ക്കു നല്‍കുന്നത്. ഇതിനോടൊപ്പം പ്രതിദിനം 100എസ്‌എംഎസും അൺലിമിറ്റഡ് ലോക്കല്‍/ എസ്റ്റിഡി കോളുകളും ചെയ്യാം.