‘ഉന്നൈയ് കാണാമല്‍ ‘…ഉലകനായകന് മുന്‍പില്‍ പാടാന്‍ ഭാഗ്യം ലഭിച്ച് രാകേഷ്

ഉലക നായകന് മുന്‍പില്‍ പാടണമെന്ന സ്വപ്‌നം യാഥാര്‍ത്ഥ്യമായതിന്റെ സന്തോഷത്തിലാണ് രാകേഷ് ഉണ്ണിയെന്ന യുവാവ്. തന്റെ ഗാനം ഫേസ്ബുക്കില്‍ തരംഗമായതോടെ കമല്‍ഹാസന്‍ തന്നെ പാട്ട് കേള്‍ക്കാന്‍ വിളിച്ചതായി രാകേഷ് പറയുന്നു. ഇതിന് പിന്നാലെ രാകേഷ് കമല്‍ഹാസന്റെ അടുത്ത് നേരിട്ടെത്തി ഗാനം പാടി കേള്‍പ്പിക്കുകയായിരുന്നു. സംഗീത സംവിധായകനായ ഗോപീ സുന്ദറാണ് രാകേഷ് പാടുന്ന വീഡിയോ ഫേസ്ബുക്കില്‍ പങ്കു വെച്ചത്.

കമലിന്റെ വിശ്വരൂപം എന്ന ചിത്രത്തിലെ ഉന്നൈ കാണാമല്‍ എന്ന ഗാനമാണ് രാകേഷ് പാടിയത്. ‘ഇദ്ദേഹത്തെ കൊണ്ട് എനിക്ക് പാട്ടു പാടിക്കണം. ഒന്ന് കണ്ടെത്തി തരാമോ’ എന്ന് അഭ്യര്‍ഥിച്ചാണ് ഗോപീ സുന്ദര്‍ ഫേസ്ബുക്കില്‍ പോസ്റ്റിട്ടത്. മണിക്കൂറുകള്‍ക്കകം ഫെയ്ബുക്കിലെ സുഹൃത്തുക്കള്‍ ഇയാളുടെ ഫോണ്‍ നമ്പറടക്കം കണ്ടെത്തി പോസ്റ്റ് ചെയ്യുകയായിരുന്നു. ഗോപീ സുന്ദറിന് പുറമേ പ്രശസ്തരായ മറ്റ് ആളുകളും ഈ പാട്ട് ഷെയര്‍ ചെയ്തിരുന്നു.

Rakesh Unni sings ‘unnai kaanadhu’ song from #Vishwaroopam before @ikamalhaasan.
Both @ikamalhaasan and @Shankar_Live have become fans of Rakesh Unni, a rubber plantation worker with an amazing voice. pic.twitter.com/28I8KZ2Vrl

— Pramod Madhav (@madhavpramod1) July 3, 2018