അഡ്ലൈഡ്•യാത്രയ്ക്കിടെ യാത്രക്കാരി മരിച്ചതിനെത്തുടര്‍ന്ന് വിമാനം അടിയന്തിരമായി നിലത്തിറക്കി. വെള്ളിയാഴ്ച, ലണ്ടനില്‍ നിന്നും സിംഗപ്പൂര്‍ വഴി സിഡ്നിയിലേക്ക് വന്ന ക്വന്റാസ് വിമാനമാണ് അടിയന്തിരമായി അഡ്ലൈഡ് വിമാനത്താവളത്തില്‍ ഇറക്കിയത്.
പുലര്‍ച്ചെ 3.50 ഓടെ നിലത്തിറക്കിയ വിമാനം രാവിലെ 6 മണിയോടെ മടങ്ങി
വിമാനത്തിനുള്ളില്‍ കുഴഞ്ഞുവീണ ന്യൂസ് സൗത്ത് വെയ്ല്‍സ് സ്വദേശിനിയായ വനിത പിന്നീട് മരിക്കുകയായിരുന്നു. വിമാനത്തിനുള്ളില്‍ വച്ച് ജീവനക്കാര്‍ ഒരു ഡോക്ടറുടെ സഹായത്തോടെ ഇവര്‍ക്ക് വൈദ്യസഹായം ലഭ്യമാക്കിയിരുന്നു. പക്ഷേ, നിര്‍ഭാഗ്യവശാല്‍ മരണം സംഭവിക്കുകയായിരുന്നുവെന്ന് ക്വന്റാസ് വക്താവ് പറഞ്ഞു.
സംശയാസ്പദമായ മരണത്തിന് കേസേടുത്താണ് അന്വേഷണം നടക്കുന്നതെന്ന് പോലീസ് വ്യക്തമാക്കി.
Post Your Comments