മേരിലാന്‍ഡ്: മാധ്യമ സ്ഥാപനത്തില്‍ വെടിവെയ്പ്. അമേരിക്കയിലെ പ്രാദേശിക മാധ്യമ സ്ഥാപനത്തിലുണ്ടായ വെടിവെയ്പില്‍ അഞ്ച് പേര്‍ കൊല്ലപ്പെട്ടു. മേരിലാന്‍ഡിലെ അന്നാപൊളിസിലാണ് വെടിവെയ്പ് നടന്നത്. നിരവധി പേര്‍ക്ക് വെടിയേറ്റുവെന്നും വിവരമുണ്ട്. വാര്‍ത്താ ഏജന്‍സിയായ അസോസിയേറ്റഡ് പ്രസാണ് സംഭവം റിപ്പോര്‍ട്ട് ചെയ്തത്.
read also: സ്കൂളില്‍ വീണ്ടും വെടിവെയ്പ്പ്; പത്തു പേര്‍ കൊല്ലപ്പെട്ടു
പ്രാദേശിക പത്രമായ കാപ്പിറ്റല്‍ ഗസറ്റെയുടെ ഹെഡ്ക്വാര്‍ട്ടേഴ്സിലാണ് ആക്രമണം ഉണ്ടായത്. പ്രാദേശിക സമയം വൈകിട്ട് 3.30നായിരുന്നു സംഭവം. അക്രമിയെ പോലീസ് പിടികൂടി. തോക്കുമായെത്തിയ ഒരാള്‍ പത്രത്തിന്റെ ജീവനക്കാര്‍ക്ക് നേരെ നിറയൊഴിക്കുകയായിരുന്നുവെന്നാണ് വിവരം. അക്രമിയുടെ വിവരങ്ങള്‍ പോലിസ് പുറത്തുവിട്ടിട്ടില്ല.
ന്യൂസ് റൂമില്‍ പ്രവേശിച്ച അക്രമി ചുറ്റിനും നിറയൊഴിക്കുകയായിരുന്നു. ഓഫീസിന്റെ ചില്ല് വാതില്‍ നിറയൊഴിച്ച് തകര്‍ത്തതിന് ശേഷമായിരുന്നു ജീവനക്കാര്‍ക്ക് നേരെ വെടിയുതിര്‍ത്തത്. ഷോട്ട് ഗണ്‍ ഉപയോഗിച്ച് രണ്ട് റൗണ്ട് നിറയൊഴിച്ചുവെന്നാണ് ദൃക്സാക്ഷികള്‍ പറയുന്നത്.
Post Your Comments