ജയ്പൂര്‍: പഞ്ചനക്ഷത്ര ഹോട്ടലില്‍ വിദേശ യുവതികളെ പീഡിപ്പിച്ച മാനേജര്‍ അറസ്റ്റില്‍. രണ്ട് മെക്സിക്കന്‍ സ്വദേശികളായ വിനോദ സഞ്ചാരികളെ പീഡിപ്പിച്ച കേസിലാണ് ഹോട്ടല്‍ മാനേജര്‍ അറസ്റ്റിലായത്. കോടതിയില്‍ ഹാജരാക്കിയ ഇയാളെ മൂന്ന് ദിവസത്തെ പൊലീസ് കസ്റ്റഡിയില്‍ വിട്ടു.
യുവതികള്‍ നല്‍കിയ പരാതിയുടെ അടിസ്ഥാനത്തില്‍ സി.സി.ടി.വി കാമറകള്‍ പരിശോധിച്ച പൊലീസ് നാല്‍പതുകാരനായ ഋഷിരാജ് സിംഗിനെ അറസ്റ്റ് ചെയ്യുകയായിരുന്നു. വ്യാഴാഴ്ച ഹോട്ടലില്‍ മുറിയെടുത്ത യുവതികളെ രാത്രിയില്‍ മാനേജര്‍ അപമാനിക്കുകയായിരുന്നു. പരാതി നല്‍കിയ ശേഷം ഡല്‍ഹിയിലേക്ക് മടങ്ങിയ യുവതികളുടെ മൊഴിയെടുക്കുമെന്നും പൊലീസ് വ്യക്തമാക്കി.
Post Your Comments