മുറി നിറയെ മൂർഖൻ കുഞ്ഞുകളെ കണ്ട വീട്ടുകാർ ഞെട്ടി; സംഭവം ഇങ്ങനെ

ഒഡീഷ : വീട്ടിലെ മുറിക്കുള്ളിൽ നൂറുകണക്കിന് മൂർഖൻ കുഞ്ഞുങ്ങളെ കണ്ട വീട്ടുകാർ ഞെട്ടി. ഒഡീഷയിലാണ് സംഭവം. ബിജയ് ഭുയാനെന്ന ചെറുപ്പക്കാരൻ അടുത്തിടെയാണ് ഒരു കെട്ടിടം പണുതത്. വെള്ളിയാഴ്ച ബിജയുടെ മകളുടെ കാലിൽ എന്തോ ഇഴയുന്നതായ് കുട്ടിക്ക് തോന്നി. കാലിലൂടെ ഇഴഞ്ഞത് പാമ്പാണെന്ന് മനസിലാക്കിയ കുട്ടി നിലവിളിച്ചുകൊണ്ട് പുറത്തേയ്ക്ക് ഓടി. തുടർന്ന് വീട്ടുകാരും നാട്ടുകാരും ചേർന്ന് പാമ്പിനെ കണ്ടെത്താനായി വീട് പരിശോധിച്ചപ്പോഴാണ് മുറിക്കുള്ളിൽ നിന്ന് 100ൽ ഏറെ പാമ്പിൻകുഞ്ഞുങ്ങളെ കണ്ടെത്തിയത്.

also read: ബിജെപി ഓഫീസ് ഉപരോധിച്ച് മൂർഖൻ!! അകത്തു കുടുങ്ങിയത് പതിനഞ്ചോളം പ്രവർത്തകർ

തുടർന്ന് വനംവകുപ്പ് ഉദ്യോഗസ്ഥരും പാമ്പ് പിടുത്തക്കാരും സ്ഥലത്തെത്തി പാമ്പുകളെ പിടികൂടി. പാമ്പിൻ കുഞ്ഞുങ്ങൾക്ക് പുറമെ മൂർഖന്റെ 21മുട്ടകളും കണ്ടെത്തി. ഒഡീഷയിൽ പാമ്പിന്റെ ശല്യം വളരെ കൂടുതലാണ്. ഇത്രയും പാമ്പുകളെ വീടിനുള്ളിൽ നിന്ന് കണ്ടെത്തുകയും അമ്മയായ മുർഖൻപാമ്പിനെ കണ്ടെത്താൻ കഴിയാത്തതുമായ സാഹചര്യത്തിൽ വീട്ടിൽ കഴിയാനാകാത്ത അവസ്ഥയിലാണ് കുടുംബം.