ചെന്നൈ: മദ്യപാനി സ്‌റ്റേഷനുള്ളില്‍വെച്ച് പോലീസുകാരനെ കുത്തി പരിക്കേൽപ്പിച്ചു. കുത്തേറ്റ പോലീസുകാരനെ ഗുരുതരാവസ്ഥയില്‍ ആശുപത്രിയിൽ പ്രവേശിപ്പിച്ചു. കൊരട്ടൂര്‍ പോലീസ് സ്‌റ്റേഷനിലെ ഹെഡ് കോണ്‍സ്റ്റബിള്‍ സെന്തില്‍കുമാറിനാണ് കുത്തേറ്റത്. മണികണ്ഠന്‍ എന്ന യുവാവ് പൊട്ടിയ ബിയര്‍ കുപ്പികൊണ്ട് സെന്തിലിനെ കുത്തുകയായിരുന്നു.
Read also:അദ്ധ്യാപികയുടെ ശകാരം ആത്മഹത്യാപ്രേരണയാകില്ലെന്ന് കോടതി
റോഡരികിൽ മദ്യപിച്ച്‌ പ്രശ്നമുണ്ടാക്കിയ മണികണ്ഠനെ കൊരട്ടൂര്‍ പോലീസ് സ്‌റ്റേഷനിലേക്ക് വിളിപ്പിച്ച്‌ ചോദ്യം ചെയ്ത് വിട്ടയച്ചിരുന്നു. എന്നാല്‍ ഇയാള്‍ തിരികെയെത്തി പോലീസുകാരുമായി വഴക്കുണ്ടാക്കി. വാക്കേറ്റത്തിനിടെ കയ്യിലിരുന്ന ബിയര്‍ കുപ്പി പൊട്ടിച്ച്‌ സെന്തില്‍കുമാറിനെ കുത്തുകയായിരുന്നു. ഉടന്‍ സെന്തിലിനെ ആശുപത്രിയിൽ എത്തിക്കുകയും ചെയ്തു . മണികണ്ഠനെ അറസ്റ്റ് ചെയ്ത് റിമാന്‍ഡ് ചെയ്തു.
Post Your Comments