എന്റെ മെഴുതിരി അത്താഴങ്ങളുടെ ട്രെയിലര്‍ പുറത്തിറക്കി പ്രണയത്തിന്റെ തമ്പുരാന്‍ ലാലേട്ടന്‍

ഏറെ നാളത്തെ ഇടവേളയ്ക്ക് ശേഷം അനൂപ് മേനോന്‍ തിരക്കഥയെഴുതുന്ന പുതിയ ചിത്രമാണ് എന്റെ മെഴുതിരി അത്താഴങ്ങള്‍. ചിത്രത്തിൻറെ ട്രെയ്‌ലർ മലയാളത്തിലെ താരരാജാവ് മോഹൻലാൽ ആരാധകർക്കായി സമ്മാനിക്കുന്നു. തന്റെ ഫേസ്ബുക് പേജിലൂടെയാണ് ട്രൈലര്‍ റിലീസ് ചെയ്യുന്നത്.

നവാഗതനായ സൂരജ് തോമസ് ഒരുക്കുന്ന ചിത്രത്തിലെ അതി മനോഹരമായ രണ്ടു പ്രണയ ഗാനങ്ങൾ ആസ്വാദകർ ഇതിനോടകം നെഞ്ചോടേറ്റിക്കഴിഞ്ഞു . നീല നീല മിഴികളോ. ‘മറയത്തൊളി കണ്ണാല്‍.. എന്നു തുടങ്ങുന്ന ഗാനങ്ങൾ സമൂഹ മാധ്യമങ്ങളിൽ ഹിറ്റാണ്. ജയചന്ദ്രന്‍ ഈണമിട്ട ഈ ഗാനങ്ങൾ ആലപിച്ചിരിക്കുന്നത് വിജയ് യേശുദാസാണ്. അനൂപ് മേനോനും മിയയും പ്രധാന വേഷങ്ങളിലെത്തുന്ന ചിത്രം പ്രണയ പശ്ചാത്തലത്തിലാണ് ഒരുക്കിയിരിക്കുന്നത് . ജൂണ്‍ 27ന് എന്റെ മെഴുതിരി അത്താഴങ്ങള്‍ തിയ്യേറ്ററുകളിലെത്തും.