അയൽവാസി തട്ടിക്കൊണ്ടു പോയ 13കാരിയെ കണ്ടെത്തി; പീഡനത്തിനിരയായെന്ന് വിവരം

തെലിങ്കാന: അയൽവാസി തട്ടിക്കൊണ്ടു പോയ 13കാരിയെ കണ്ടെത്തി. അയൽവാസിയായ യുവാവ് പെൺകുട്ടിയെ തെറ്റിദ്ധരിപ്പിച്ച് രാജസ്ഥാനിലേയ്ക്ക് കടത്തുകയായിരുന്നു. നാല് ദിവസം മുൻപാണ് രാജേഷ് എന്ന 25കാരൻ എട്ടാം ക്ലാസ് വിദ്യാർത്ഥിനിയായ അയൽവാസിയെ തട്ടിക്കൊണ്ടു പോയത്. പെൺകുട്ടിയെ കാണാനില്ലെന്ന് കാട്ടി മാതാപിതാക്കൾ പോലീസിൽ പരാതിപ്പെട്ടിരുന്നു. പെൺകുട്ടിയെ യുവാവിനൊപ്പം ഹൈദരാബാദിൽ നിന്നാണ് പോലീസ് കണ്ടെത്തിയത്.

ALSO READ:മാധ്യമപ്രവർത്തകയെ തട്ടിക്കൊണ്ടു പോയി; മണിക്കൂറുകൾ കഴിയുന്നതിന് മുൻപ് തിരികെ വിട്ടു

പെൺകുട്ടിയെ പ്രതി ലൈംഗികപീഡനത്തിന് ഇരയാക്കിയിരുന്നു. ഇതിന് ശേഷം പെൺകുട്ടിയുമായി പ്രതി ഹൈദരാബാദിൽ എത്തിയപ്പോഴാണ് പോലീസ് പിടിയിലായത്. യുവാവിനെതിരെ തട്ടിക്കൊണ്ടുപോകൽ, പീഡനക്കുറ്റം കൂടാതെ പോക്സോ ചുമത്തിയും കേസെടുത്തിട്ടുണ്ട്.