മന്ത്രി കെ.കെ ഷൈലജയെ ഉരുക്കു വനിതയെന്ന് വിശേഷിപ്പിച്ച് ഡോക്ടറുടെ കുറിപ്പ്

കോഴിക്കോട് : ആരോഗ്യമന്ത്രി കെ.കെ ഷൈലജയെ ഉരുക്കു വനിതയെന്ന് വിശേഷിപ്പിച്ച് ഡോക്ടറുടെ ഫേസ്ബുക്ക് കുറിപ്പ്. അടുത്തിടെ സംസ്ഥാനത്തെ ഭീതിയിലാഴ്ത്തിയ നിപ്പ പനി പ്രതിരോധിക്കാന്‍ മന്ത്രി സ്വീകരിച്ച നടപടികളെ പുകഴ്ത്തിയാണ് കോഴിക്കോട് സ്വകാര്യ ആശുപത്രിയില്‍ ജോലി ചെയ്യുന്ന ഡോ. എ.എസ് അനൂപ് കുറിപ്പിട്ടത്. ഉരുക്കു വനിത, ഝാന്‍സി റാണി, സേനാപതി തുടങ്ങിയ വിശേഷണങ്ങളാണ് പോസ്റ്റിലൂടെ ഡോക്ടര്‍ ആരോഗ്യമന്ത്രിയ്ക്ക് നല്‍കിയത്.

ഡോക്ടറുടെ ഫേസ്ബുക്ക് പോസ്റ്റ് ഇങ്ങനെ.

ബഹുമാനപ്പെട്ട ആരോഗ്യ മന്ത്രി… K K Shylaja teacher.
ഒരു രാഷ്ട്രീയക്കാരിയും, ഭരണ കർത്താവും എങ്ങനെ ആകണം എന്നതിന്റെ ഉത്തമ ഉദാഹരണം… The iron lady… വിഷയങ്ങൾ പഠിക്കുന്നതിലും, മനസിലാകുന്നതിനുമുള്ള കഴിവ് എന്നെ വളരെയധികം അത്ഭുതപ്പെടുത്തി, ചെറിയ കാര്യങ്ങളിലുള്ള ശ്രദ്ധയും യുക്തമായ തീരുമാനങ്ങളും, സ്നേഹം നിറഞ്ഞ പെരുമാറ്റവും കൊണ്ട് ഒരു ജാൻസി റാണിയെ പോലെ സംഘത്തെ നയിച്ചു ഒരു അസാമാന്യ പക്വത കാണിച്ചു… ചങ്കൂറ്റത്തോടെഎല്ലാ കാര്യങ്ങളും മനസിലാക്കി അവതരിപ്പിക്കുന്ന കഴിവ് തികച്ചും അത്ഭുതമുളവാക്കുന്നതായിരുന്നു. Nipah രോഗം വരുമെന്ന പേടിപോലും ഇല്ലാതെ.. ഒരു ശക്തയായ സേനാപതി നമുക്കുണ്ടായതിൽ അഭിമാനം കൊള്ളുന്നു… ഈ ലോകം മുഴുവനും ആ മഹത് വ്യക്തിയോട് കടപ്പെട്ടിരിക്കുന്നു