കോട്ടയം: പ്രണയപ്പകയില്‍ സ്വന്തം അച്ഛനും സഹോദരനും തന്റെ പ്രിയപ്പെട്ടവന്റെ ജീവനെടുത്തപ്പോൾ തകർന്നത് ഒരു പെൺകുട്ടിയുടെ പ്രതീക്ഷകളും ജീവിതവുമാണ്. കെവിന്റെ അന്ത്യയാത്ര ദിനം മുഴുവൻ നീനു നെഞ്ചോടു ചേർത്തുപിടിച്ചത് ആ നീല ഷർട്ടാണ്. ഇരുവരും ഒന്നിച്ചു യാത്രചെയ്തപ്പോൾ കെവിൻ ധരിച്ച ഷർട്ടായിരുന്നു അത്. നീനുവിന്റെ കണ്ണീര് വീണ് കുതിര്‍ന്ന ആ ഷര്‍ട്ട് കെവിന് ഏറെ പ്രിയപ്പെട്ടതായിരുന്നു. നീനുവുമായി അവസാനനാളുകളില്‍ കാണുമ്പോഴും കെവിന് ധരിച്ചിരുന്നത് ആ നീല കുപ്പായമായിരുന്നു.
Read Also: സൗദിയിൽ വാഹനാപകടം : മൂന്നു പേർക്ക് പരിക്ക് : രണ്ടുപേരുടെ നില ഗുരുതരം
സംസ്കാര ചടങ്ങുകൾ നടന്ന ദിവസം രാവിലെ കെവിന്റെ വീട്ടിലെ മുറിയിൽ നീല ഷർട്ട് കണ്ട നീനു അതു കയ്യിലെടുക്കുകയായിരുന്നു. ചിരിച്ച്‌ കൊണ്ട് അവര്‍ എടുത്ത ചിത്രങ്ങളിൽ നിന്ന് ആ ഷർട്ടിന് അവരുടെ ജീവിതത്തിൽ എത്രത്തോളം പ്രാധാന്യമുണ്ടായിരുന്നുവെന്ന് വ്യക്തമാണ്. കാണാതാകുന്ന ദിവസം കെവിൻ ധരിച്ചിരുന്ന ടി ഷർട്ടും നീനു വാങ്ങിക്കൊടുത്തതായിരുന്നു. ജീവൻ കൈവിടുന്ന സമയത്തും നീനുവിന്റെ സ്‌നേഹസമ്മാനം തന്നെ ധരിച്ചത് വിധിയുടെ നിശ്ചയമാകാം.
Post Your Comments