ആലപ്പുഴ: അമിതവേഗത്തില്‍ പാഞ്ഞെത്തിയ ടോറസ് ലോറി തട്ടി വീട്ടമ്മയ്ക്ക് ദാരുണാന്ത്യം. ആലപ്പുഴ ഇന്ദിരാ ജംങ്ഷന് സമീപമാണ് അപകടം നടന്നത്. തത്തംപള്ളി തൈക്കൂട്ടംവെളിയില്‍ രാധാകൃഷ്ണന്റെ ഭാര്യ ഓമന (55)യാണ് മരിച്ചത്. ഇന്ന് രാവിലെ 7.30ഓടെയാണ് അപകടം നടന്നത്.
ക്ഷേത്രത്തിൽ നിന്ന് മടങ്ങി വരുന്നവഴിയിൽ ഒരു സ്വകാര്യ കെട്ടിട നിര്‍മാണ കമ്പനിയുടെ ലോറി ഓമനയെ ഇടിച്ച് വീഴ്ത്തിയ ശേഷം ശരീരത്തിലൂടെ കയറ്റി ഇറക്കുകയായിരുന്നു. സംഭവ സ്ഥലത്തുവെച്ചുതന്നെ ഇവർ മരിച്ചു. സംഭവം നടന്ന ഉടന്‍ ഡ്രൈവര്‍ വണ്ടി നിര്‍ത്തി ഓടി രക്ഷപ്പെട്ടെങ്കിലും പിന്നീട് ട്രാഫിക്ക് പൊലീസ് ഡ്രൈവറെ കസ്റ്റഡിയില്‍ എടുത്തു.
ഓമനയുടെ ബന്ധുക്കളുടെ ആക്രമണം ഭയന്ന് ഡ്രൈവറെ പൊലീസ് സുരക്ഷിത സ്ഥാനത്തേക്ക് മാറ്റിരിക്കുകയാണ്. പൊലീസ് ഇന്‍ക്വസ്റ്റിന് ശേഷം ആലപ്പുഴ മെഡിക്കല്‍ കോളജ് ആശുപത്രിയില്‍ എത്തിച്ച മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കി. ഓമനയുടെ ഏകമകനാണ് രാജേഷ്.
Post Your Comments