കൊല്‍ക്കത്ത: അനുവാദമില്ലാതെ പൂവ് പറിച്ചു എന്ന കാരണത്താല്‍ വൃദ്ധയെ ക്രൂരമായി മര്‍ദ്ദിച്ച് മരുമകള്‍. സംഭവം കണ്ടു നിന്ന് അയല്‍വാസി ദൃശ്യങ്ങള്‍ മൊബൈല്‍ ഫോണില്‍ പകര്‍ത്തുകയും ചെയ്തു. ബാന്‍സ്‌ദ്രോണി പോലീസ് സ്‌റ്റേഷനിലെ ഉദ്യോഗസ്ഥനായ സുബ്ര ചക്രബര്‍ത്തി വീഡിയോ സമൂഹ്യ മാധ്യമത്തിലൂടെ കാണുകയും മേലുദ്യോഗസ്ഥരെ അറിയിച്ച്‌ നടപടി എടുക്കുകയുമായിരുന്നു.
രാന്ദു സെന്‍ ഗുപ്ത എന്നയാളുടെ ഫേസ്ബുക്ക് അക്കൗണ്ട് വഴിയാണ് വീഡിയോ അപ്‌ലോഡ്‌ ചെയ്തത്. വീഡിയോ ഇട്ടെങ്കിലും സ്ഥലവും സമയവും ഒന്നും രേഖപ്പെടുത്തിയിരുന്നില്ല. വീഡിയോയ്ക്ക് ഇതിനോടകം തന്നെ വന്‍ പ്രതികരണമാണ് ലഭിച്ചത്. അഞ്ച് ലക്ഷത്തിലധികം ആളുകള്‍ ഇതിനോടകം തന്നെ വീഡിയോ കാണുകയും 25000 ല്‍ അധികം പേര്‍ ഷെയര്‍ ചെയ്യുകയും ചെയ്തിരുന്നു.
സംഭവത്തില്‍ ജശോദാ പോള്‍ (75) എന്ന വീട്ടമ്മയെ മര്‍ദ്ദിച്ചതിന് മരുമകളായ സ്വപ്ന പോളിനെ പോലീസ് അറസ്റ്റ് ചെയ്തു. സംഭവസമയം മകന്‍ രഞ്ജിത്ത് പോള്‍ വീട്ടിലുണ്ടായിരുന്നില്ല. ജശോദയ്ക്ക് അംനേഷ്യ എന്ന അസുഖമുള്ളതായും പോലീസ് പറയുന്നു.
Post Your Comments