യുഎഇയിലെ ഏറ്റവും പ്രായം കൂടിയ ഇന്ത്യക്കാരിക്ക് ദുബായിൽ അന്ത്യം

ദുബായ്: യുഎഇയിലെ ഏറ്റവും പ്രായം കൂടിയ ഇന്ത്യക്കാരിയും ബിസിനസ് ടൈക്കൂണായ ജെതാന്ദ് പഞ്ചോളിയുടെ ഭാര്യയുമായ കലാഭായി മങ്കാമ്മാൾ അന്തരിച്ചു. ഞായറാഴ്ച ദുബായിലെ ഒരു സ്വകാര്യ ആശുപത്രിൽ വെച്ചായിരുന്നു ഈ 91കാരിയുടെ അന്ത്യം. വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു.

ALSO READ: യുഎഇയിൽ ഉടൻ ഇന്ധന വില വർദ്ധനവ്

1927 സെപ്തംബർ 24 ന് രോഹിരിയിലായിരുന്നു കലാഭായിയുടെ ജനനം.1943ൽ വിവാഹ ശേഷം മുംബൈയിലേക്ക് പോയി. അന്നത്തെ കാലത്ത് ദുബായിൽ സ്ഥിരതാമസക്കാരായ ആദ്യ ഇന്ത്യാക്കാരിൽ ഒരാളായിരുന്നു ജെതാന്ദ് പഞ്ചോളി.മിക്ക ബിസിനസുകാരും ഭാര്യയെയും മക്കളെയും നാട്ടിൽ നിർത്താറാണ് പതിവ്. എന്നാൽ കലാഭായി മങ്കാമ്മാൾ ആദ്യമേ ഭർത്താവിനൊപ്പം ദുബായിൽ എത്തിയിരുന്നു.
ശേഷം ദുബായിൽ ഒരു വലിയ ബിസിനസ് ടൈക്കൂണായി മാറുകയായിരുന്നു ഈ കുടുംബം.