അബുദാബി ; യുഎഇയിൽ വാഹനാപകടം രണ്ടു പേർ മരിച്ചു. ഇന്നലെ മുഹമ്മദ് ബിൻ സായിദ് സിറ്റിയിൽ മഹ്‌വി പാലത്തിനു സമീപത്തെ റൗണ്ട് എബൗട്ടിനുശേഷം ഉണ്ടായ അപകടത്തിൽ അറബ് രാജ്യക്കാരായ രണ്ടു പേരാണ് കൊല്ലപ്പെട്ടത്. മുന്നറിയിപ്പില്ലാതെ പെട്ടെന്ന് റോഡ് ലൈൻ മാറിയതാണ് അപകടത്തിന് കാരണം. സെൻട്രൽ ഓപ്പറേഷൻ റൂമിൽ ലഭിച്ച വിവരത്തിന്റെ അടിസ്ഥാനത്തിൽ അബുദാബി പൊലീസ് ട്രാഫിക് ആൻഡ് പട്രോൾ വകുപ്പ് ഡയറക്ടർ ബ്രിഗേഡിയർ അബ്ദുല്ലാ ബിൻ ബാറക് അൽ ദാഹിരിയുടെ നേതൃത്വത്തിലുള്ള പൊലീസ് സ്ഥലത്തെത്തി വേണ്ട നടപടികൾ സ്വീകരിച്ചു.
മരിച്ചവരുടെ മൃതദേഹം അബുദാബി ഖലീഫാ മെഡിക്കൽ സിറ്റിയിലെ മോർച്ചറിയിലേക്ക് മാറ്റിയതായും തിരക്കേറിയ റോഡിൽ പെട്ടെന്നുള്ള വ്യതിയാനത്തെ തുടർന്ന് വാഹനത്തിന്റെ നിയന്ത്രണം നഷ്ടപ്പെട്ടതാണ് രണ്ടുപേരുടെ ജീവൻ നഷ്ടപ്പെടാനിടയാക്കിയതെന്നും പൊലീസ് അറിയിച്ചു.
Also read ; സാഗറിനും മേകുനുവിനും പിന്നാലെ നാശം വിതയ്ക്കാൻ മറ്റൊരു ചുഴലിക്കാറ്റ് കൂടി എത്തുന്നു
Post Your Comments