തിരുവനന്തപുരം : കെ.എസ്.ആര്‍.ടി.സി ബസിലുണ്ടായ സീറ്റ് തര്‍ക്കത്തിനിടെ യുവാവിന് ഇരുമ്പ് കമ്പി കൊണ്ടുള്ള അടിയേറ്റു. യാത്രയ്ക്കിടെ യുവതിയുമായി സീറ്റിനെ ചൊല്ലി വാക്കുതര്‍ക്കത്തിലേര്‍പ്പെട്ട യാത്രക്കാരനാണ് ഇരുമ്പ് വടികൊണ്ട് തലയ്ക്ക് അടിയേറ്റ് പരിക്കേറ്റത്.
വര്‍ക്കല പിച്ചകശേരിയില്‍ സുരേഷിനാണ് (38) പരിക്കേറ്റത്. സംഭവത്തില്‍ പനവൂര്‍ വെള്ളാഞ്ചിഞ നാസിം മന്‍സിലില്‍ നാസിമിനെ (26) വെഞ്ഞാറമൂട് പോലീസ് അറസ്റ്റു ചെയ്തു. വാക്കേറ്റത്തില്‍ ഏര്‍പ്പെട്ട യുവതിയുടെ ഭര്‍ത്താവാണ് ഇയാള്‍.
സുരേഷുമായി ബസ്സില്‍ വച്ച് ഉണ്ടായ സീറ്റു തര്‍ക്കം യുവതി ഫോണിലൂടെ ഭര്‍ത്താവിനെ അറിയിക്കുകയായിരുന്നു. ഇതേതുടര്‍ന്ന് ബസ് വെഞ്ഞാറമൂട് കെ.എസ്.ആര്‍.ടി.സി സ്റ്റാന്റഡില്‍ എത്തിയപ്പോള്‍ സുരേഷ് ബസില്‍ നിന്നും ഇറങ്ങി. അവിടെ കാത്തു നിന്ന യുവതിയുടെ ഭര്‍ത്താണ് ഇരുമ്പ് കമ്പി കൊണ്ട് സുരേഷിന്റെ തലയ്ക്കടിക്കുകയായിരുന്നു. പരിക്കേറ്റ സുരേഷ് വെഞ്ഞാറമൂട് ഗോകുലം മെഡിക്കല്‍ കോളജില്‍ ചികിത്സയിലാണ്.
Post Your Comments