തെന്നിന്ത്യന്‍ താരം ആര്യയുടെ വധുവിനെ കണ്ടെത്തുന്നതിനായി നടത്തിയ റിയാലിറ്റി ഷോ എങ്ക വീട്ടു മാപ്പിളയിലൂടെ പ്രേക്ഷക ഹൃദയം കവര്‍ന്ന അബര്‍നദി വെള്ളിത്തിരയിലേക്ക്, അതും നായികയായാണ് അബര്‍നദിയുടെ അരങ്ങേറ്റം. വസന്തബാലന്‍ സംവിധാനം ചെയ്യുന്ന ചിത്രത്തിലാണ് അബര്‍നദി അഭിനയ രംഗത്തേക്ക് കടക്കുന്നത്. സംഗീത സംവിധായകനും നടനുമായ ജി.വി പ്രകാശിന്‌റെ നായികയായി അബര്‍നദി കോളിവുഡിലേക്ക് പ്രവേശിയ്ക്കും. പ്രഭാകര്‍, രാധിക ശരത്ത് കുമാര്‍ എന്നിവരാണ് മറ്റു താരങ്ങള്‍.
ആര്യയോടൊപ്പമുള്ള റിയാലിറ്റി ഷോയില്‍ നിന്നും അപ്രതീക്ഷിതമായാണ് അബര്‍നദി പുറത്താകുന്നത്. പരിപാടിയില്‍ വിജയസാധ്യതയുണ്ടായിരുന്ന അബര്‍നദിയ്ക്ക് ഇതിനോടകം തന്നെ ലക്ഷക്കണക്കിനു ആരാധകരെ നേടാന്‍ സാധിച്ചു. ഫാഷന്‍ ഡിസൈനറാണ് അബര്‍നദി. വിവാഹം കഴിയ്ക്കുകയാണെങ്കില്‍ അത് ആര്യയെ മാത്രമാകുമെന്നും അല്ലെങ്കില്‍ വിവാഹം കഴിയ്ക്കാതെ ജീവിതം തുടരുമെന്നും അബര്‍നദി അടുത്തിടെ വെളിപ്പെടുത്തിയിരുന്നു.
Post Your Comments