സംഗീത ആസ്വാദകരുടെ കാതിലും ഹൃദയത്തിലും മെലഡിയുടെ വിസ്മയം തീര്‍ക്കുകയാണ് ‘എന്റെ മെഴുകുതിരി അത്താഴങ്ങള്‍’ എന്ന ചിത്രത്തിലെ കഴിഞ്ഞദിവസം യൂട്യൂബില്‍ പുറത്തിറങ്ങിയ ഗാനം. വിജയ്‌ യേശുദാസിന്റെ മാസ്മരിക ശബ്ദത്തില്‍ എത്തിയ നീല നീല മിഴികളോ… എന്ന് തുടങ്ങുന്ന ഗാനത്തിന് ഈണം പകര്‍ന്നിരിക്കുന്നത് മെലഡിയുടെ രാജാവ് എം.ജയച്ചന്ദ്രനാണ്.
റഫീക്ക് അഹമ്മദിന്റെ വരികളും ജയചന്ദ്രസംഗീതവും വിജയ്‌ യേശുദാസിന്റെ ശബ്ദമാധുര്യവും പ്രാണയാർദ്രമായ ദൃശ്യവിഷ്കാരവും ആസ്വാദകന്റെ മനസ്സില്‍ പ്രണയം നിറയ്ക്കും. അനൂപ് മേനോനും മിയയുമാണ്‌ ഗാനരംഗത്തില്‍ പ്രത്യക്ഷപ്പെടുന്നത്.
പ്രണയാര്‍ദ്രമായ ബ്യൂട്ടിഫുളിനും ട്രിവാന്‍ഡ്രം ലോഡ്ജിനും ശേഷം അനൂപ് മേനോന്‍ തിരക്കഥ രചിക്കുന്ന ചിത്രമാണ് എന്റെ മെഴുതിരി അത്താഴങ്ങള്‍. ബ്യൂട്ടിഫുളിലെ മഴനീർത്തുള്ളികൾ എന്ന ഗാനം പകര്‍ന്നുതന്ന അതേ ഫീല്‍ ‘നീല നീല മിഴികളോ…’ നല്‍കുന്നുണ്ടെന്ന് ഗാനം ആസ്വദിച്ചവര്‍ പറയുന്നു.
അനൂപ് മേനോന്‍, മിയ ജോര്‍ജ്ജ് എന്നിവരെ കേന്ദ്ര കഥാപാത്രമാക്കി നവാഗതനായ സൂരജ് തോമസ് ഒരുക്കുന്ന ‘എന്റെ മെഴുകുതിരി അത്തഴങ്ങങ്ങളില്‍; വ്യത്യസ്തമായ ഒരു കഥാപാത്രമായാണ് അനൂപ് മേനോന്‍ എത്തുന്നത്. സംവിധായകരായ ലാല്‍ ജോസ്, ശ്യാമപ്രസാദ്, ദിലീഷ് പോത്തന്‍ എന്നിവരും അഭിനയിക്കുന്നു എന്ന പ്രത്യേകത കൂടി ഈ ചിത്രത്തിനുണ്ട്. ചിത്രത്തിന്റെ ടൈറ്റില്‍ ട്രെയിലറിനു മികച്ച പ്രതികരണമാണ് സമൂഹമാധ്യമങ്ങളില്‍ നിന്നും ലഭിച്ചത്.
999 എന്റര്‍ടെയ്ന്‍മെന്‍സിന്റെ ബാനറില്‍ നോബിള്‍ ജോസാണ് ചിത്രം നിര്‍മ്മിക്കുന്നത്. ചിത്രത്തിന്റെ ഓഡിയോ റിലീസ് ചെയ്യുന്നത് ഈസ്റ്റ്‌ കോസ്റ്റ് ഓഡിയോസ് ആണ്. ചിത്രം ജൂലൈയില്‍ പ്രദര്‍ശനത്തിനെത്തും.
Post Your Comments