പ്രണയാര്‍ദ്രമായ ബ്യൂട്ടിഫുളിനും ട്രിവാന്‍ഡ്രം ലോഡ്ജിനും ശേഷം അനൂപ് മേനോന്‍ തിരക്കഥ ഒരുക്കുന്ന ‘എന്റെ മെഴുതിരി അത്താഴങ്ങള്‍’ എന്ന സിനിമയുടെ മേക്കിംഗ് രംഗങ്ങള്‍ ലീക്കായി. ഗാനരംഗങ്ങളുടെ മേക്കിംഗ് ഉള്‍പ്പടെയുള്ള രംഗങ്ങളാണ് സമൂഹമാധ്യമങ്ങളിലൂടെ പുറത്ത് വന്നത്. ജൂലൈ 27 ന് ചിത്രം തീയറ്ററില്‍ എത്താനിരിക്കെയാണ് രംഗങ്ങള്‍ പുറത്ത് വന്നിരിക്കുന്നത്.
അനൂപ് മേനോന്‍, മിയ ജോര്‍ജ്ജ് എന്നിവരെ കേന്ദ്ര കഥാപാത്രമാക്കി നവാഗതനായ സൂരജ് തോമസ് ഒരുക്കുന്ന ചിത്രമാണ് ‘എന്റെ മെഴുതിരി അത്തഴങ്ങള്‍’ ത്രികോണ പ്രണയകഥ പറയുന്ന ചിത്രത്തില്‍ വ്യത്യസ്തമായ ഒരു കഥാപാത്രമായാണ് അനൂപ് മേനോന്‍ എത്തുന്നത്. സംവിധായകരായ ലാല്‍ ജോസ്, ശ്യാമപ്രസാദ്, ദിലീഷ് പോത്തന്‍ എന്നിവരും അഭിനയിക്കുന്നു എന്ന പ്രത്യേകത കൂടി ഈ ചിത്രത്തിനുണ്ട്. ചിത്രത്തിലെ ഇതുവരെ പുറത്തിറങ്ങിയ വീഡിയോ ഗാനങ്ങള്‍ക്കും ട്രെയിലറിനും മികച്ച പ്രതികരണമാണ് സമൂഹമാധ്യമങ്ങളില്‍ നിന്നും ലഭിച്ചത്.
999 എന്റര്‍ടെയ്ന്‍മെന്‍സിന്റെ ബാനറില്‍ നോബിള്‍ ജോസാണ് ചിത്രം നിര്‍മ്മിക്കുന്നത്. ചിത്രത്തിന്റെ ഓഡിയോ വിതരണം നിര്‍വഹിക്കുന്നത് ഈസ്റ്റ്‌ കോസ്റ്റ് ഓഡിയോസ് ആണ്.
സിനിമയുടെ ട്രെയിലര്‍ നേരത്തെ തന്നെ പുറത്തെത്തിയിരുന്നു. മികച്ച പ്രതികരണമാണ് ട്രെയിലറിനും ഗാനത്തിനും മികച്ച പ്രതികരണമാണ് ലഭിക്കുന്നത്.
Post Your Comments