നാല് വര്‍ഷങ്ങള്‍ക്ക് ശേഷം അനൂപ് മേനോന്‍ തിരക്കഥ ഒരുക്കുന്ന പുതിയ ചിത്രമാണ് എന്റെ മെഴുതിരി അത്താഴങ്ങള്‍. ചിത്രത്തിലെ മനോഹരമായ പ്രണയ ഗാനത്തിന്റെ ലിറിക്കല്‍ വീഡിയോ ഈസ്റ്റ്‌ കോസറ്റ് ഓഡിയോ ചാനലിലൂടെ അസ്വാദകരിലേയ്ക്ക്.
നീല നീല മിഴികളോ… എന്ന് തുടങ്ങുന്ന പ്രണയാദ്രമായ ഗാനം ആസ്വാദകരിലേയ്ക്ക്. റഫീഖ് അഹമാദിന്റെ വരികളും എം ജയചന്ദ്രന്റെ മനോഹര ഈണവും വിജയ് യേശുദാസിന്റെ ആലാപന മാധുര്യവും കൂടിച്ചേര്‍ന്ന ഈ മനോഹര ഗാനം പ്രണയത്തിന്റെ മധുരം പകര്‍ന്നു തരുന്നു. അനൂപ് മേനോന്‍, മിയ എന്നിവര്‍ മുഖ്യ കഥാപാത്രമായി എത്തുന്ന എന്റെ മെഴുതിരി അത്താഴങ്ങളിലെ ലിറിക്കല്‍ വീഡിയോ ആസ്വദിക്കാം.
സുരേഷ് ഗോപി ചിത്രം ഡാഫോഡില്‍സിന് ശേഷം അനൂപ് മേനോന്‍ തിരക്കഥ രചിക്കുന്ന ചിത്രമാണ് എന്റെ മെഴുതിരി അത്താഴങ്ങള്‍. ത്രികോണ പ്രണയകഥ പറയുന്ന ചിത്രത്തില്‍ വ്യത്യസ്തമായ ഒരു കഥാപാത്രവുമായാണ് അനൂപ് മേനോന്‍ എത്തുന്നത്. സംവിധായകരായ ലാല്‍ ജോസ്, ശ്യാമപ്രസാദ്, ദിലീഷ് പോത്തന്‍ എന്നിവരും അഭിനയിക്കുന്നു എന്ന പ്രത്യേകത കൂടി ഈ ചിത്രത്തിനുണ്ട്. ചിത്രത്തിന്റെ ടൈറ്റില്‍ ട്രൈലറിനു മികച്ച പ്രതികരണമാണ് സോഷ്യല്‍ മീഡിയയില്‍ നിന്നും ലഭിച്ചത്.
999 എന്റര്‍ടെയ്ന്‍മെന്‍സിന്റെ ബാനറില്‍ നോബിള്‍ ജോസാണ് ചിത്രം നിര്‍മ്മിക്കുന്നത്. ചിത്രത്തിന്റെ ഓഡിയോ റിലീസ് ചെയ്യുന്നത് ഈസ്റ്റ്‌ കോസ്റ്റ് ഓഡിയോസ് ആണ്. ചിത്രം ജൂലൈയില്‍ പ്രദര്‍ശനത്തിനെത്തും.
Post Your Comments