ഭുവനേശ്വര്‍•സ്പായുടെ മറവില്‍ പ്രവര്‍ത്തിച്ചിരുന്ന ഹൈ-പ്രൊഫൈല്‍ പെണ്‍വാണിഭ സംഘത്തെ പിടികൂടിയതായി പോലീസ്. ഇവിടെ നിന്നും 8 തായ് പെണ്‍കുട്ടികളെ രക്ഷപ്പെടുത്തിയതായും ഒഡിഷ പോലീസ് അവകാശപ്പെട്ടു. ഭുവനേശ്വര്‍ ബാപുജി നഗര്‍ ഏരിയയിലെ ഒരു സ്പാ സെന്റര്‍ കേന്ദ്രീകരിച്ചാണ് മാംസ വ്യാപാരം നടന്നിരുന്നത്.
രഹസ്യ വിവരത്തിലെ അടിസ്ഥാനത്തിലാണ് H2O സ്പായില്‍ പോലീസ് റെയ്ഡ് നടത്തിയത്. 8 തായ് പെണ്‍കുട്ടികള്‍ക്കൊപ്പം ഏഴുപേരെ കൂടി അറസ്റ്റ് ചെയ്തിട്ടുണ്ടെന്നും പോലീസ് അറിയിച്ചു.
കഴിഞ്ഞ വര്‍ഷം നവംബറില്‍, ഭുവനേശ്വറില്‍ സമാനമായ രീതിയില്‍ സ്പായുടെ മറവില്‍ പെണ്‍വാണിഭം നടത്തിയിരുന്ന മൂന്ന് തായ് വനിതകളെ പോലീസ് അറസ്റ്റ് ചെയ്തിരുന്നു.
2016 മാര്‍ച്ചില്‍, ടൂറിസ്റ്റ് വിസയിലെത്തി പെണ്‍വാണിഭത്തില്‍ ഏര്‍പ്പെട്ടിരുന്ന കിര്‍ഗിസ്ഥാന്‍ വനിതയെ ഭുവനേശ്വറിലെ ഫ്ലാറ്റില്‍ നിന്നും പോലീസ് അറസ്റ്റ് ചെയ്തിരുന്നു.
Post Your Comments