മലയാള സിനിമയിലേയ്ക്ക് ഒരു നായികകൂടി തിരിച്ചെത്തുകയാണ്. സൂപ്പര്‍താരങ്ങളുടെ നായികയായി തിളങ്ങിയ നടി കനിഹയാണ് തിരിച്ചു വരവിനൊരുങ്ങുന്നത്. മോഹന്‍ലാല്‍- രഞ്ജിത് കൂട്ടുകെട്ടിലെ ഏറ്റവും പുതിയ ചിത്രത്തിലൂടെയാണ് കനിഹ വീണ്ടും അഭിനയ ലോകത്തെയ്ക്കെത്തുന്നത്. മോഹന്‍ലാലിനൊപ്പം കാറില്‍ ഇരിക്കുന്ന ചിത്രവും താരം സമൂഹ മാധ്യമങ്ങളില്‍ പങ്കുവച്ചു.
സ്പിരിറ്റ് എന്ന ചിത്രത്തില്‍ മോഹന്‍ലാലിനും രഞ്ജിത്തിനുമൊപ്പം കനിഹ മുന്‍പും പ്രവര്‍ത്തിച്ചിട്ടുണ്ട്. കൂടാതെ ക്രിസ്ത്യന്‍ ബ്രദേഴ്‌സ് എന്ന ചിത്രത്തില്‍ മോഹന്‍ലാലിന്റെ സഹോദരി വേഷത്തിലും കനിഹ എത്തിയിരുന്നു.
രഞ്ജിത് -സേതു കൂട്ടുകെട്ടില്‍ ഒരുങ്ങുമെന്നു അറിയിച്ചിരുന്ന ബിലാത്തി ക്കഥയിലാണ് മോഹന്‍ലാലും രഞ്ജിത്തും വീണ്ടും ഒന്നിക്കുന്നതെന്നായിരുന്നു വാര്‍ത്തകള്‍. എന്നാല്‍ ബിലാത്തിക്കഥയില്‍ നിന്നും പിന്മാറിയ രഞ്ജിത് ഇപ്പോള്‍ സ്വന്തം തിരക്കഥയില്‍ മോഹന്‍ലാലിനെ നായകനാക്കി പുതിയ ചിത്രം ലണ്ടനില്‍ ചിത്രീകരണം ആരംഭിച്ചിരിക്കുകയാണ്.
Post Your Comments