പാലം തകർന്ന് വീണ് ഏഴ് മെഡി. വിദ്യാർത്ഥികൾക്ക് ദാരുണാന്ത്യം

ഇസ്ലാമാബാദ്‌: പാലം തകർന്ന് വീണ് ഏഴ് മെഡിക്കൽ വിദ്യാർത്ഥികൾ മരിച്ചു. പാക്‌ അധിനിവേശ കശ്‌മീരില്‍ തടിപ്പാലം തകര്‍ന്ന്‌ വീണാണ് ദുരന്തമുണ്ടായത്. അപകടത്തിൽ മറ്റ് ഒൻപത് പേരെ കാണാതായിട്ടുണ്ട്. ഇവർക്കായുള്ള തിരച്ചിൽ തുടരുകയാണ്. നാലു പേര്‍ക്കു കയറാവുന്ന പാലത്തില്‍ ഫോട്ടോയെടുക്കാനായി 25 വിദ്യാര്‍ഥികള്‍ ഒരേസമയം കയറിയതാണ്‌ അപകടത്തിന് കാരണമായത്.

also read:നടപ്പാലം തകര്‍ന്ന് വീണ് നിരവധി മരണം

ഫൈസലാബാദിലെയും ലഹോറിലെയും രണ്ടു കോളജുകളില്‍നിന്നെത്തിയ വിദ്യാര്‍ഥികളാണ്‌ അപകടത്തില്‍ പ്പെട്ടത്‌. കാണാതായവർക്കായുള്ള തിരച്ചിൽ സൈന്യം ശക്തമാക്കിയിട്ടുണ്ട്