ആത്മഹത്യാ ശ്രമങ്ങൾ തുടർച്ചയായി പരാജയപ്പെട്ടു; ദ​യാ​വ​ധത്തിനായി 104കാ​ര​നാ​യ ശാ​സ്​​ത്ര​ജ്​​ഞ​ന്‍ സ്വി​റ്റ്സ​ര്‍ല​ന്‍ഡി​ലേ​യ്ക്ക്

സി​ഡ്​​നി: ആത്മഹത്യാ ശ്രമങ്ങൾ തുടർച്ചയായി പരാജയപ്പെട്ടതോടെ ദ​യാ​വ​ധം പ്ര​തീ​ക്ഷി​ച്ച്‌​ 104കാ​ര​നാ​യ ശാ​സ്​​ത്ര​ജ്​​ഞ​ന്‍ സ്വി​റ്റ്സ​ര്‍ല​ന്‍ഡി​ലേ​യ്ക്ക്. ആ​സ്​​ട്രേ​ലി​യ​ന്‍ സ​സ്യ ശാ​സ്ത്ര​ജ്ഞ​നും പരിസ്​ഥിതിവാദിയുമാ​യ ഡേ​വി​ഡ് ഗു​ഡാ​ളാ​ണ് ദ​യാ​വ​ധം നി​യ​മ​വി​ധേ​യ​മാ​ക്കി​യ സ്വി​റ്റ്സ​ര്‍ല​ന്‍ഡി​ലേ​ക്ക് കു​ടി​യേ​റാ​നൊ​രു​ങ്ങു​ന്ന​ത്. ഈ പ്രായത്തിനിടയിൽ അദ്ദേഹം നിരവധി തവണ ആത്മഹത്യക്ക് ശ്രമിച്ചിട്ടുണ്ട്. ഗു​രു​ത​ര രോ​ഗാ​വ​സ്ഥ​യി​ലല്ലാതെ ദ​യാ​വ​ധം ആ​സ്ട്രേ​ലി​യ​യി​ല്‍ നി​യ​മ​വി​ധേ​യ​മ​ല്ല. അ​തി​നാ​ലാ​ണ് ദ​യാ​വ​ധം അ​നു​വ​ദി​ക്ക​പ്പെ​ട്ട സ്വി​റ്റ്സ​ര്‍ല​ന്‍ഡി​ലേ​ക്ക് മാറാൻ അദ്ദേഹം ഒരുങ്ങുന്നത്.

ALSO READ:ഹൗസ് സർജന്റെ മുറിയിൽ ആത്മഹത്യാശ്രമം നടത്തി രോഗി

കഴിഞ്ഞ പി​റ​ന്നാ​ള്‍ ദി​ന​ത്തി​ല്‍​ ത​നി​ക്ക് മ​രി​ക്ക​ണ​മെ​ന്ന ആ​ഗ്ര​ഹം ഗു​ഡാ​ള്‍ കു​ടും​ബാം​ഗ​ങ്ങ​ളോ​ട് പറഞ്ഞിരുന്നു. ജീ​വി​ത​സാ​ഹ​ച​ര്യ​ങ്ങ​ള്‍ മോ​ശ​മാ​യി. ഇൗ ​പ്രാ​യം​വ​രെ ജീ​വി​ച്ച​തി​ല്‍ ദുഃ​ഖ​മു​ണ്ടെ​ന്നും അ​തി​നാ​ല്‍ ഇ​നി ജീ​വി​ക്കാ​ന്‍ ആ​ഗ്ര​ഹി​ക്കു​ന്നില്ലെന്നുമാണ് അദ്ദേഹം പറഞ്ഞത്. വി​ക്​​ടോ​റി​യ പ്ര​വി​ശ്യ​യി​ല്‍ അ​തീ​വ ഗു​രു​ത​ര​മാ​യ രോ​ഗാ​വ​സ്​​ഥ​യി​ലു​ള്ള​വ​ര്‍​ക്കും ആ​യു​ര്‍​ദൈ​ര്‍​ഘ്യം ആ​റു​മാ​സ​ത്തി​ല്‍ താ​ഴെ​യു​ള്ള​വ​ര്‍​ക്കും ദ​യാ​വ​ധം നി​യ​മ വി​ധേ​യ​മാ​ക്കി​യി​ട്ടു​ണ്ടെ​ങ്കി​ലും 2019 ജൂ​ണി​ല്‍ മാ​ത്ര​മേ ഇ​ത്​ നി​ല​വി​ല്‍ വ​രു​ക​യു​ള്ളൂ. ദ​യാ​വ​ധം വേണമെന്ന അദ്ദേഹത്തിന്റെ തീരുമാനത്തെ ക്ലി​നി​ക്ക​ല്‍ സൈ​ക്കോ​ള​ജി​സ്​​റ്റാ​​യ മ​ക​ളും, ദ​യാ​വ​ധ​ത്തി​നു​വേ​ണ്ടി വാ​ദി​ക്കു​ന്ന രാ​ജ്യാ​ന്ത​ര സം​ഘ​ട​ന ഗ്രൂ​പ്പ്​ എ​ക്സി​റ്റ് ഇ​ന്‍​റ​ര്‍നാ​ഷണ​ലും പിന്തുണച്ചു.
മേ​യ്​ പത്താം തീ​യ​തി ദയവാദത്തിനായി അദ്ദേഹം സ്വി​റ്റ്​​സ​ര്‍​ല​ന്‍​ഡി​ലേയ്ക്ക് പോകും.