ദുബായിലേക്ക് പുറപ്പെട്ട ഇന്‍ഡിഗോ വിമാനം അടിയന്തിരമായി മുംബൈയില്‍ ഇറക്കി

മുംബൈ: 184 യാത്രക്കാരുമായി ദുബായിലേക്ക് പറന്ന വിമാനം അടിയന്തിരമായി മുംബൈയില്‍ ഇറക്കി. വിമാനത്തിന്റെ കാർഗോ വിഭാഗത്തിൽ നിന്ന് പുക അലാറം കേട്ടതിനെ തുടർന്നാണ് വിമാനം അടിന്തരമായി താഴെ ഇറക്കിയത്. എയർബസ് A320 എന്ന വിമാനമാണ് ഛത്രപായി ശിവാജി അന്താരാഷ്ട്ര വിമാനത്താവളത്തിൽ ഇറങ്ങിയത്. എന്നാൽ വിമാനം പരിശോധിച്ചതിൽ യാതൊരു പുകയും വിമാനത്തിൽ ഉണ്ടായിട്ടില്ലെന്ന് കണ്ടെത്തി.

ALSO READ: 180 യാത്രക്കാരുമായി പറക്കുകയായിരുന്ന വിമാനം അടിയന്തിരമായി നിലത്തിറക്കി

യാത്രക്കാർ എല്ലാം സുരക്ഷിതരാണെന്നും വിമാനത്തിന്റെ അലാറം പ്രവർത്തിച്ചതിലുള്ള തകരാറാണെന്നും വിമാന കമ്പനി അധികൃതർ അറിയിച്ചു. മറ്റൊരു വിമാനത്തിൽ മുഴുവൻ യാത്രക്കാരെയും ഉടനടി ദുബായിൽ എത്തിക്കുമെന്നും അധികൃതർ അറിയിച്ചു.